Лінкі ўнівэрсальнага доступу

У Маскве падчас «Маршу мільёнаў» затрымана больш за 450 чалавек


У Маскве супрацоўнікі паліцыі ў нядзелю ўвечары пачалі затрымліваць актывістаў, якія сабраліся каля аддзелу паліцыі ў раёне Якіманка.

Сюды была дастаўлена частка затрыманых падчас апазыцыйнай акцыі «Марш мільёнаў» на Балотнай плошчы, у тым ліку актывісты Сяргей Удальцоў, Аляксей Навальны і Барыс Нямцоў. У інтэрвію Радыё Свабода дэпутат Дзярждумы ад «Справядлівай Расеі» Ільля Панамароў выказаў здагадку, што Нямцову можа пагражаць штраф па артыкуле кодэксу аб адміністрацыйных парушэньнях «хуліганства», тым часам як Удальцова і Навальнаму — больш строгае пакараньне.

Затрыманьні на Якіманцы
пачакайце

No media source currently available

0:00 0:02:58 0:00
Наўпроставы лінк


Усяго, паводле дадзеных паліцыі, падчас «Маршу мільёнаў» былі затрыманыя больш за 450 чалавек. Сталічныя органы Сьледчага камітэту Расеі распачалі крымінальныя справы па фактах заклікаў да масавых беспарадкаў і прычыненьня шкоды здароўю паліцэйскіх на Балотнай плошчы. Адпаведныя артыкулы прадугледжваюць пакараньне да 2-х і 10-ці гадоў пазбаўленьня волі.

Як паведамлялася раней, падчас «Маршу мільёнаў» лідэры апазыцыі Удальцоў, Навальны і Ільля Яшын адмовіліся прайсьці на Балотную плошчу, дзе меўся адбыцца мітынг, і абвясьцілі сядзячы страйк ля Вялікага Каменнага моста. Частка ўдзельнікаў акцыі паспрабавала прайсьці да іх з плошчы, але натыкнулася на жорсткі супраціў паліцыі, пасьля чаго пачаліся масавыя затрыманьні з ужываньнем спэцсродкаў.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG