Некалі дактары лічылі, што сьмерць ад раптоўнага спыненьня сэрца здаралася вельмі рэдка. Цяпер ужо так ня думаюць. Найноўшыя досьледы паказваюць, што раптоўная сардэчная сьмерць здараецца даволі часта сярод маладых людзей, а асабліва часта сярод тых, якія займаюцца нейкім відам спорту. Статыстычна беручы, рызыка сьмерці ад раптоўнага спыненьня сэрца ў тры разы большая ў спартоўцаў і атлетаў, чым у тых, якія спортам не займаюцца.
Паводле Амэрыканскай акадэміі пэдыятрыі, у ЗША ад раптоўнага спыненьня сэрца штогод памірае 2 тысячы чалавек ва ўзросьце да 25 гадоў.
Найбольш частай прычынай раптоўнага спыненьня сэрца ў маладым арганізьме зьяўляецца гіпэртрафічная кардыяміяпатыя, то бок, патаўшчэньне сардэчнага мускула.
Гэты дэфэкт – патаўшчэньне сардэчнага мускула – магчыма выкрыць пры электракардыяграфічным абсьледаваньні чалавека (ЭКГ). Яго можна таксама выкрыць пры дапамозе найноўшай тэхнікі абсьледаваньня – рэхакардыяграфіі – якая дазваляе атрымаць трохвымерны вобраз чалавечага сэрца, але традыцыйны мэтад ЭКГ больш танны, чым рэхакардыяграфія.
У досьледзе, апублікаваным у 2010 годзе, мэдычныя экспэрты Станфардзкага ўнівэрсытэту ў ЗША прапануюць, каб абсьледаваньні ЭКГ уключыць у набор абавязковых абсьледаваньняў для маладых спартоўцаў у старэйшых клясах сярэдніх школаў ды ў каледжах. Кошты такіх абсьледаваньняў, паводле экспэртаў, ніяк не перавышаюць кошту маладых жыцьцяў, якія магчыма ўратаваць, загадзя адкрыўшы дэфэкт, які зьяўляецца найбольш частай прычынай раптоўнай сардэчнай сьмерці.
Паводле Амэрыканскай акадэміі пэдыятрыі, у ЗША ад раптоўнага спыненьня сэрца штогод памірае 2 тысячы чалавек ва ўзросьце да 25 гадоў.
Найбольш частай прычынай раптоўнага спыненьня сэрца ў маладым арганізьме зьяўляецца гіпэртрафічная кардыяміяпатыя, то бок, патаўшчэньне сардэчнага мускула.
Гэты дэфэкт – патаўшчэньне сардэчнага мускула – магчыма выкрыць пры электракардыяграфічным абсьледаваньні чалавека (ЭКГ). Яго можна таксама выкрыць пры дапамозе найноўшай тэхнікі абсьледаваньня – рэхакардыяграфіі – якая дазваляе атрымаць трохвымерны вобраз чалавечага сэрца, але традыцыйны мэтад ЭКГ больш танны, чым рэхакардыяграфія.
У досьледзе, апублікаваным у 2010 годзе, мэдычныя экспэрты Станфардзкага ўнівэрсытэту ў ЗША прапануюць, каб абсьледаваньні ЭКГ уключыць у набор абавязковых абсьледаваньняў для маладых спартоўцаў у старэйшых клясах сярэдніх школаў ды ў каледжах. Кошты такіх абсьледаваньняў, паводле экспэртаў, ніяк не перавышаюць кошту маладых жыцьцяў, якія магчыма ўратаваць, загадзя адкрыўшы дэфэкт, які зьяўляецца найбольш частай прычынай раптоўнай сардэчнай сьмерці.