Лінкі ўнівэрсальнага доступу

«Гавары праўду» зьбірае подпісы ў абарону Вінаградава


Павал Вінаградаў

Кампанія «Гавары праўду» пачынае збор подпісаў грамадзянаў Рэспублікі Беларусь пад адкрытым лістом да Генэральнага пракурора Аляксандра Канюка з патрабаваньнем спыніць незаконны перасьлед з боку органаў унутраных спраў, а таксама судовую сваволю ў дачыненьні да актывіста кампаніі Паўла Вінаградава.

«Гавары праўду» лічыць, што сілавыя структуры сплянавалі і рэалізуюць кампанію, мэта якой — падвесьці Вінаградава, які знаходзіцца пад прэвэнтыўным наглядам органаў унутраных спраў, пад чарговую крымінальную справу і пазбавіць яго свабоды. Так ужо зрабілі з Аляксандрам Малчанавым і рыхтуюцца цяпер да такой самай расправы з Васілём Парфянковым.

Першыя подпісы пад адкрытым лістом Генэральнаму пракурору паставілі кіраўнік кампаніі «Гавары праўду» Ўладзімер Някляеў, а таксама Андрэй Дзьмітрыеў, Аляксандар Фядута, Сяргей Вазьняк, Аляксандар Арцыбашаў. Кампанія заклікае грамадзянаў далучыцца да збору подпісаў на адрас Генэральнага пракурора Рэспублікі Беларусь.

Глядзець камэнтары (1)

Гэтая дыскусія закрытая.
XS
SM
MD
LG