Лінкі ўнівэрсальнага доступу

Ігар Сімбіроў на Акрэсьціна абвясьціў галадоўку


Ігар Сімбіроў
Актывіст грамадзянскай кампаніі «Гавары праўду», музыка з Асіповічаў Ігар Сімбіроў у цэнтры ізаляцыі правапарушальнікаў, што ў Менску на вуліцы Акрэсьціна 26, абвясьціў галадоўку.

Пра гэта паведаміў «Свабодзе» адзін з вызваленых сядзельцаў камэры, дзе ўтрымліваюць актывіста. Паводле вызваленага, Сімбіроў думае, што паплечнікі й праваабаронцы ня ведаюць пра яго арышт. Таму трымаць галадоўку ён зьбіраецца да той пары, пакуль не атрымае вестак з волі.

Ігара Сімбірова затрымалі на Менскім чыгуначным вакзале 26 красавіка, калі ён прыехаў з Асіповічаў на «Чарнобыльскі шлях». Праз тэлефон ён паведаміў, што пры затрыманьні яго зьбілі. Міліцыянты склалі пратакол аб адміністрацыйным правапарушэньні. Сімбірова зьвінавацілі ў дробным хуліганстве й непадпарадкаваньні міліцыі. Судзьдзя Кастрычніцкага суда Менска Натальля Пратасавіцкая асудзіла актывіста на дзесяць сутак арышту.

Глядзець камэнтары (2)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG