Выходзіць тысячны нумар тыднёвіка «Белорусы и рынок»

Зь верасня 2005 году газэта зьмяніла назоў у адпаведнасьці з патрабаваньнямі прэзыдэнцкага ўказу № 247 «Аб дадатковых захадах па ўпарадкаваньні выкарыстаньня словаў „нацыянальны“ і „беларускі“».

«Газэта неаднаразова мяняла дызайн, удасканальвала тэматыку, але нязьменным заставаліся асноўныя прынцыпы выданьня: даваць чытачу максымальна поўную, аб’ектыўную інфармацыю пра розныя сфэры жыцьця краіны, надаючы пры гэтым асаблівую ўвагу глыбокаму аналізу фактаў і тэндэнцыяў», — гаворыцца ў рэдакцыйным артыкуле на сайце выданьня.