Лінкі ўнівэрсальнага доступу

Аляксандар Круты: пакуль мяне нічым ня колюць


Аляксандар Круты. Інтэрвію ў Навінках
пачакайце

No media source currently available

0:00 0:03:14 0:00
Наўпроставы лінк

Аляксандар Круты. Інтэрвію ў Навінках

Аляксандар Круты, які быў затрыманы падчас працэсу над Канавалавым і Кавалёвым, знаходзіцца на прымусовым лячэньні ў псыхіятрычным шпіталі ў «Навінках». «Свабодзе» ўдалося наведаць яго і запісаць відэаінтэрвію.

Дачка Аляксандра Інэса Крутая пацярпела ад выбуху ў мэтро. Спадар Круты ўдзельнічаў у працэсе Кавалёва-Канавалава як прадстаўнік пацярпелай, задаваў шмат пытаньняў, але на шосты дзень пасьля пачатку працэсу быў затрыманы.

22 верасьня Аляксандар Федарцоў, які старшыняваў на працэсе Кавалёва і Канавалава, часткова зачытаў пастанову пра затрыманьне Крутога:

«17 жніўня, знаходзячыся ў кабінэце адной з мэдыцынскіх устаноў Менску, наўмысна зьдзейсьніў хуліганскія дзеяньні з асаблівым цынізмам і пагардай да нормаў маралі (...) выліў зьмесьціва двух слоікаў з мачой на галоўнага лекара».

7 сьнежня 2011 году судзьдзя Маскоўскага раёну Аляксандар Кострыкаў на закрытым пасяджэньні прызнаў Аляксандра Крутога псыхічна неўраўнаважаным і прызначыў яму прымусовае лячэньне.

«Калі б я заставаўся на працэсе, то даказаў бы, што Канавалаў і Кавалёў ні пры чым», — кажа Круты.

Ён таксама распавёў пра Сяргея Каваленку: «Калі лекары прызнаюць ягоную галадоўку як спробу суіцыду, ад гэтага дыягназу яму ўжо не пазбавіцца».

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG