Беражкоў: «Чыста тэхнічна пытаньне аб пераносе чэмпіянату сьвету па хакеі ў іншую краіну — гэта вельмі складаная працэдура. Парадак дня кангрэсу Міжнароднай фэдэрацыі хакею (МФХ) фармуе рада. І пытаньне ў парадак для абмеркаваньня кангрэсам можа быць унесены толькі радай. Ніякага дэлегата, які можа ўстаць і заявіць пра нейкія пытаньні для абмеркаваньня, ніхто проста не паслухае. Так што з ініцыятывы дэлегатаў гэтае пытаньне разглядацца папросту ня будзе.
Але, як гаворыцца, калі камусьці вельмі хочацца, то, вядома, абмеркаваньне гэтага пытаньня магчымае. Аднак у рамках сёньняшняй хакейнай каньюнктуры трэба ўлічваць, што гэты год няпросты для МФХ. На восеньскім кангрэсе фэдэрацыі пройдуць выбары ў раду арганізацыі, гэта будзе справаздачна-выбачае мерапрыемства. Цалкам натуральна, што на сёньняшні дзень кожны чалец рады фэдэрацыі турбуецца за сваё рэнамэ. Ня трэба забываць, што рашэньне аб правядзеньні чэмпіянату сьвету ў Беларусі было прынятае абсалютнай бальшынёй галасоў. І, натуральна, што тыя самыя людзі не маглі памяняць свайго меркаваньня на дыямэтральна супрацьлеглае на працягу нейкага часу. За гэты час нічога ж не зьмянілася. Тыя самыя людзі засталіся ў радзе МФХ, людзі, якія прадстаўляюць Беларусь, ня сталі замест белых чорнымі ці наадварот. Адпаведна, нічога прынцыпова не зьмянілася, а людзі, якія прымалі сьвядомае рашэньне аб правядзеньні чэмпіянату сьвету ў Беларусі, ня хочуць быць блазнамі. Яны ж разумеюць, што зь іх будзе сьмяяцца ўвесь сьвет, калі сёньня яны так галасуюць, а заўтра гэтак.
Усе выдатна ўсьведамляюць, што калі кангрэс скасуе сваё рашэньне, прынятае абсалютнай бальшынёй галасоў, то яны проста выступяць у якасьці палітычных марыянэтак, парушаючы ўласны статут, у якім напісана, што чэмпіянат сьвету ня можа быць скасаваны зь якіх-небудзь палітычных меркаваньняў, якія не ўваходзяць у пакет форс-мажорных чыньнікаў. Раней месца правядзеньня чэмпіянату сьвету па хакеі зьмянялася толькі аднойчы: веснавы чэмпіянат сьвету, які плянаваўся ў Празе, быў перанесены ў Стакгольм. Але тады ў Празе стаялі савецкія танкі, ішлі ваенныя дзеяньні ...
У нас сёньня вайны няма. Вайна — гэта форс-мажор, а палітыка — не. Палітыка ў спорце наогул нікому не патрэбна. Усе выпадкі, калі палітыка ўмешвалася ў спорт, заканчваліся кепска. Пачынаючы з Алімпіяды ў фашысцкай Нямеччыне і заканчваючы Алімпійскімі гульнямі ў Маскве і ў Лос-Анджэласе. І ў нашым выпадку падзеі таксама могуць мець сумныя наступствы, калі палітычную карту працягнуць разыгрываць. У Пэкіне ў 2008 годзе нармальна прайшла Алімпіяда, хоць там таксама свой лад і таксама ёсьць, напэўна, выпадкі парушэньня правоў чалавека. Сёньня наогул няма ідэальнай краіны з пункту гледжаньня захаваньня правоў чалавека, у якой маглі б бездакорна прайсьці буйныя спартыўныя форумы. Вунь мадрыдзкі «Рэал» узяў і зьняў са сваёй эмблемы крыж. Што гэта такое? Каньюнктура, камэрцыйная выгада, мусульманская змова ці нешта яшчэ?
Магу сказаць, што пэўную спэкуляцыйную карту па правядзеньні хакейнага чэмпіянату сьвету ў Беларусі разыгрывае Латвія, якая хацела б атрымаць гэты чэмпіянат замест нас. Яна разгульвала гэтую карту яшчэ летась, калі казала, што да іх прыедуць амэрыканцы і канадцы, якія не захочуць ехаць у Беларусь. Але я вельмі добра ведаю і асабіста знаёмы зь людзьмі, якія прадстаўляюць хакейныя фэдэрацыі Канады і ЗША. Паверце, гэта людзі вельмі далёкія ад палітыкі. Ім, прабачце, глыбока да блакітнай зоркі, што там думае Барак Абама, Ангела Мэркель або Нікаля Сарказі. У іх ёсьць свае фэдэрацыі і свае інтарэсы. І яны ў рамках гэтых інтарэсаў прывязуць у Беларусь хакеістаў, якія гатовыя абараняць гонар сваіх краін на чэмпіянаце сьвету. Іншая справа, што 2014 год — гэта алімпійскі год, а пасьля Алімпіяды, як вядома, зоркі адпачываюць. Так што ў Менску ў любым выпадку ня варта чакаць вялікай колькасьці амэрыканскіх, канадзкіх, швэдзкіх, чэскіх і іншых зорак. Але не прыедуць яны сюды ў апошнюю чаргу па палітычных прычынах.
З пункту гледжаньня заўзятара і грамадзяніна Беларусі я сваю пазыцыю ніколі не мяняў і, натуральна, хацеў бы ўбачыць чэмпіянат сьвету ў Менску. Тое, што Лукашэнка вызваліў з турмаў некалькіх чалавек, я вельмі вітаю. Няма чаго рабіць гэтым людзям у турмах. Мне здаецца, што гэта — цалкам гуманны крок. Думаю, што спыняцца на ім ня варта, трэба выпускаць усіх астатніх і спыняць усе спэкуляцыі па гэтай тэме».
Але, як гаворыцца, калі камусьці вельмі хочацца, то, вядома, абмеркаваньне гэтага пытаньня магчымае. Аднак у рамках сёньняшняй хакейнай каньюнктуры трэба ўлічваць, што гэты год няпросты для МФХ. На восеньскім кангрэсе фэдэрацыі пройдуць выбары ў раду арганізацыі, гэта будзе справаздачна-выбачае мерапрыемства. Цалкам натуральна, што на сёньняшні дзень кожны чалец рады фэдэрацыі турбуецца за сваё рэнамэ. Ня трэба забываць, што рашэньне аб правядзеньні чэмпіянату сьвету ў Беларусі было прынятае абсалютнай бальшынёй галасоў. І, натуральна, што тыя самыя людзі не маглі памяняць свайго меркаваньня на дыямэтральна супрацьлеглае на працягу нейкага часу. За гэты час нічога ж не зьмянілася. Тыя самыя людзі засталіся ў радзе МФХ, людзі, якія прадстаўляюць Беларусь, ня сталі замест белых чорнымі ці наадварот. Адпаведна, нічога прынцыпова не зьмянілася, а людзі, якія прымалі сьвядомае рашэньне аб правядзеньні чэмпіянату сьвету ў Беларусі, ня хочуць быць блазнамі. Яны ж разумеюць, што зь іх будзе сьмяяцца ўвесь сьвет, калі сёньня яны так галасуюць, а заўтра гэтак.
Усе выдатна ўсьведамляюць, што калі кангрэс скасуе сваё рашэньне, прынятае абсалютнай бальшынёй галасоў, то яны проста выступяць у якасьці палітычных марыянэтак, парушаючы ўласны статут, у якім напісана, што чэмпіянат сьвету ня можа быць скасаваны зь якіх-небудзь палітычных меркаваньняў, якія не ўваходзяць у пакет форс-мажорных чыньнікаў. Раней месца правядзеньня чэмпіянату сьвету па хакеі зьмянялася толькі аднойчы: веснавы чэмпіянат сьвету, які плянаваўся ў Празе, быў перанесены ў Стакгольм. Але тады ў Празе стаялі савецкія танкі, ішлі ваенныя дзеяньні ...
У нас сёньня вайны няма. Вайна — гэта форс-мажор, а палітыка — не. Палітыка ў спорце наогул нікому не патрэбна. Усе выпадкі, калі палітыка ўмешвалася ў спорт, заканчваліся кепска. Пачынаючы з Алімпіяды ў фашысцкай Нямеччыне і заканчваючы Алімпійскімі гульнямі ў Маскве і ў Лос-Анджэласе. І ў нашым выпадку падзеі таксама могуць мець сумныя наступствы, калі палітычную карту працягнуць разыгрываць. У Пэкіне ў 2008 годзе нармальна прайшла Алімпіяда, хоць там таксама свой лад і таксама ёсьць, напэўна, выпадкі парушэньня правоў чалавека. Сёньня наогул няма ідэальнай краіны з пункту гледжаньня захаваньня правоў чалавека, у якой маглі б бездакорна прайсьці буйныя спартыўныя форумы. Вунь мадрыдзкі «Рэал» узяў і зьняў са сваёй эмблемы крыж. Што гэта такое? Каньюнктура, камэрцыйная выгада, мусульманская змова ці нешта яшчэ?
Магу сказаць, што пэўную спэкуляцыйную карту па правядзеньні хакейнага чэмпіянату сьвету ў Беларусі разыгрывае Латвія, якая хацела б атрымаць гэты чэмпіянат замест нас. Яна разгульвала гэтую карту яшчэ летась, калі казала, што да іх прыедуць амэрыканцы і канадцы, якія не захочуць ехаць у Беларусь. Але я вельмі добра ведаю і асабіста знаёмы зь людзьмі, якія прадстаўляюць хакейныя фэдэрацыі Канады і ЗША. Паверце, гэта людзі вельмі далёкія ад палітыкі. Ім, прабачце, глыбока да блакітнай зоркі, што там думае Барак Абама, Ангела Мэркель або Нікаля Сарказі. У іх ёсьць свае фэдэрацыі і свае інтарэсы. І яны ў рамках гэтых інтарэсаў прывязуць у Беларусь хакеістаў, якія гатовыя абараняць гонар сваіх краін на чэмпіянаце сьвету. Іншая справа, што 2014 год — гэта алімпійскі год, а пасьля Алімпіяды, як вядома, зоркі адпачываюць. Так што ў Менску ў любым выпадку ня варта чакаць вялікай колькасьці амэрыканскіх, канадзкіх, швэдзкіх, чэскіх і іншых зорак. Але не прыедуць яны сюды ў апошнюю чаргу па палітычных прычынах.
З пункту гледжаньня заўзятара і грамадзяніна Беларусі я сваю пазыцыю ніколі не мяняў і, натуральна, хацеў бы ўбачыць чэмпіянат сьвету ў Менску. Тое, што Лукашэнка вызваліў з турмаў некалькіх чалавек, я вельмі вітаю. Няма чаго рабіць гэтым людзям у турмах. Мне здаецца, што гэта — цалкам гуманны крок. Думаю, што спыняцца на ім ня варта, трэба выпускаць усіх астатніх і спыняць усе спэкуляцыі па гэтай тэме».
