Лінкі ўнівэрсальнага доступу

Форум глябальнай бясьпекі ў Браціславе


Учора ў славацкай сталіцы пачалася сустрэча палітыкаў і экспэртаў з краін Цэнтральнай і Заходняй Эўропы, а таксама Злучаных Штатаў.

Адкрыў форум прэм’ер-міністар Славаччыны Робэрт Фіцо. Сярод запрошаных на канфэрэнцыю — шэраг беларускіх экспэртаў, у тым ліку палітоляг, дарадца старшыні Руху «За Свабоду» Алесь Лагвінец, якога мы папрасілі распавесьці пра хаду форуму.

Лагвінец: «Гэтая канфэрэнцыя праводзіцца ўжо восьмы раз. Сёлета яна мае надзвычай высокі ўзровень прадстаўніцтва — у ёй удзельнічаюць тры прэзыдэнты, некалькі прэм’ераў і 15 міністраў з розных краін Цэнтральнай Эўропы.

На ранішняй сэсіі сёньня выступалі кіраўнікі трох краін — Славеніі, Славаччыны і Харватыі.

Сёньня — асноўны дзень канфэрэнцыі. Сярод тэмаў абмеркаваньня — праблемы эўрапейскай бясьпекі, эканамічны крызіс у Эўразьвязе, адносіны з ЗША, разьвіцьцё падзеяў у арабскім сьвеце пасьля дэмакратычных зьменаў і няўдалых спробаў гэтых зьменаў.

Таксама будзе абмяркоўвацца і беларускае пытаньне, яно так ці інакш згадваецца падчас сустрэчаў з экспэртамі. Сёньня ўвечары адбудзецца адмысловая дыскусія на тэму Беларусі, у якой будуць удзельнічаць як беларускія, гэтак і амэрыканскія і эўрапейскія экспэрты.

Зь Беларусі ў канфэрэнцыі ўдзельнічаюць прафэсар Андрэй Вардамацкі, кіраўнік сацыялягічнай лябараторыі Новак, прадстаўнікі Беларускага інстытуту стратэгічных дасьледаваньняў, а таксама шэраг маладых экспэртаў. У сьпісе запрошаных і нават дакладчыкаў быў кіраўнік Беларускага інстытуту стратэгічных дасьледаваньняў Аляксей Пікулік.

Вельмі шкада, што няма прадстаўнікоў беларускай дзяржавы».
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG