Ужо сёньня, 13 красавіка

НАДВОР'Е:

У Беларусі пацяплее. У Віцебску і Магілёве будзе сонечна, у цэнтры і на Захадзе краіны хмарна. На ўсходзе 7–9 цяпла, на астатняй тэрыторыі краіны плюс 11–15.

У БЕЛАРУСІ І СЬВЕЦЕ

Менск, у Вышэйшым гаспадарчым судзе (вул. Валадарскага, 8) адбудзецца круглы стол, прысьвечаны праблемам эканамічнага правасудзьдзя ў Беларусі і Расеі, з удзелам старшыні Вышэйшага гаспадарчага суду Беларусі Віктара Камянкова і старшыні Вышэйшага арбітражнага суду Расеі Антона Іванова. Пачатак у 12.30.

Менск, у бары «Йо-Ма-Йо» (вул. Даўгабродзкая, 24) адбудзецца творчая сустрэча зь лідэрам групы Ulis Вячаславам Коранем. Пачатак у 19.00.

Рангун, візыт у Бірму прэм'ер-міністра Вялікабрытаніі Дэвіда Кэмэрона.

* * *
Паважаныя наведнікі сайту! Дапамажэце больш поўна прадставіць беларускі дзень – дашлеце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl.org.

ТАКСАМА Ў ГЭТЫ ДЗЕНЬ:

1943 – паведамленьне бэрлінскага радыё аб знойдзеных у Катынскім лесе масавых пахаваньнях польскіх афіцэраў. Паведамлялася, што катынскі расстрэл быў зроблены НКВД увесну 1940 году.

1962 – першы выступ The Beatles у «Star Club».

1992 – Беларусь устанавіла дыпляматычныя дачыненьні з Італіяй.

У гэты дзень нарадзіліся:

1743 – Томас Джэфэрсан, трэці прэзыдэнт ЗША.

1871 – Юры Матулевіч, рымска-каталіцкі рэлігійны дзеяч Заходняй Беларусі і Літвы, блаславёны.

1906 – Сэмюэль Бэкет, ірляндзкі драматург, празаік і паэт, прадстаўнік тэатру абсурду, нобэлеўскі ляўрэат.

У гэты дзень памерлі:

1695 – Жан Дэ Ляфантэн, францускі паэт-баечнік.

ЦЫТАТА НА ПАМЯЦЬ:

Калі б мне давялося выбіраць: мець ўрад без газэт або газэты без ўраду, я б не раздумваючы выбраў другое.
Томас Джэфэрсан, трэці прэзыдэнт ЗША

ГОД ТАМУ Ў ЗАГАЛОЎКАХ НА САЙЦЕ «СВАБОДЫ»:

Трэці дзень пасьля тэракту: справа раскрытая

Time: «Пасьля выбуху беларускі тыран пачаў закручваць гайкі»

Лібія: НАТО ўдарыла па складах з узбраеньнем для сілаў Кадафі