Лінкі ўнівэрсальнага доступу

Кіраўніку КНДР не засталося пасады


Кім Чэн Ын
Кім Чэн Ын

Кіроўная ў Паўночнай Карэі Працоўная партыя абрала свайго кіраўніка Кім Чэн Ына «першым сакратаром». Заходнія назіральнікі адзначаюць, што, падобна, гаворка ідзе аб новай пасадзе ў кіроўнай партыйнай герархіі.

Папярэдні лідэр КНДР Кім Чэн Ір, які памёр у сьнежні мінулага году, называўся генэральным сакратаром. Паўночнакарэйскія сродкі масавай інфармацыі паведамляюць, што бацька цяперашняга лідэра, быў удастоены ганаровага званьня «вечнага генэральнага сакратара».

Заснавальнік Карэйскай Народна-Дэмакратычнай Рэспублікі Кім Ір Сэн, які памёр у 1994 годзе, зваўся прэзыдэнтам і таксама захаваў сваю пасаду «навечна».

Стагодзьдзю з дня нараджэньня Кім Ір Сэна (15 красавіка), як абвешчана ўладамі КНДР, будзе прысьвечаны запуск касьмічнай ракеты, заплянаваны на бліжэйшыя дні. Дакладная дата не паведамляецца.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG