НАДВОР'Е:
У Гомелі – дождж, у іншых рэгіёнах Беларусі сонечна, у Менску і Віцебску – ад мінус 3 да мінус 1 градуса, на астатняй тэрыторыі краіны – ад 0 да +3.
У БЕЛАРУСІ І СЬВЕЦЕ
Менск, у офісе руху «За свабоду» (пр. Незалежнасьці, 80, 73) адбудзецца прэсавая канфэрэнцыя аргкамітэту «Чарнобыльскага шляху». Пачатак у 12.00.
Менск, візыт міністра абароны Ўкраіны Дзьмітрыя Саламаціна.
Дамаск, паводле пляну ўрэгуляваньня сырыйскія сілы бясьпекі павінны быць выведзеныя зь вялікіх гарадоў краіны.
Вашынгтон, публікацыя дакладу МВФ аб стане сусьветнай эканомікі.
* * *
У эфіры Свабоды «Вольная студыя» зь Міхасём Скоблам, «Гамбурскі рахунак» Альгерда Бахарэвіча і «Экспэртыза свабоды» Валера Карбалевіча.
* * *
Паважаныя наведнікі сайту! Дапамажэце больш поўна прадставіць беларускі дзень — дашлеце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl.org.
ТАКСАМА Ў ГЭТЫ ДЗЕНЬ:
1762 – Шклоў атрымаў герб.
1940 – Ісьляндыя атрымала незалежнасьць ад Даніі.
1972 – падпісаная міжнародная Канвэнцыя аб забароне біялягічнай зброі.
2010 – Авіякатастрофа пад Смаленскам, у выніку якой загінуў прэзыдэнт Польшчы і яшчэ каля 100 прадстаўнікоў польскай палітычнай і вайсковай эліты.
У гэты дзень нарадзіліся:
1899 – Уладзімер Набокаў, расейскі і амэрыканскі пісьменьнік.
1900 – Гаўрыла Гарэцкі, беларускі геоляг, географ, эканаміст, адзін з заснавальнікаў і акадэмік Беларускай акадэміі навук, дырэктар Беларускага навукова-дасьледчага інстытуту сельскай і лясной гаспадаркі.
1931 – Іван Чыгрын, беларускі літаратуразнаўца.
1949 – Уладзімер Пруднікаў, літоўскі сьпявак і грамадзка-палітычны дзяяч беларускага паходжаньня.
У гэты дзень памерлі:
2010 – Лех Качынскі, восьмы прэзыдэнт Польшчы, загінуў у авіякатастрофе.
ЦЫТАТА НА ПАМЯЦЬ:
Нельга прыняць прынцып, што пераможаныя павінны гаварыць пра рэчы, ганебныя для іх, а пераможцы – не. Праўда – адна. Праўда, паводле нашай хрысьціянскай думкі, нават самая дрэнная – вызваляе, а не наадварот. Праўда вызваляе, а не прыніжае пры ўмове, што яна тычыцца ўсіх.
Лех Качынскі
ГОД ТАМУ Ў ЗАГАЛОЎКАХ НА САЙЦЕ «СВАБОДЫ»:
Іларыёнаў: «Лукашэнка аслабляе сваё становішча, Крэмль толькі рады гэтаму»
Сілы НАТО зьнішчылі 25 танкаў Кадафі
Эгіпет: пракуратура дапытвае Мубарака
