На працягу дня ва ўсіх каталіцкіх храмах праходзіць асьвячэньне велікодных страваў.
У велiкодных кошыках, плеценых з лазы, прыхаджане традыцыйна прыносяць яйкi — сымбаль новага жыцьця, фарбаваныя (гэтак званыя «крашанкі») або маляваныя («пiсанкi»); хлеб, вяндлiны, соль, сьвяточнае печыва — кулічы, мазуркi, бáбы, сырнiкi, а таксама вада.
У Вялікую суботу «Свабода» пагутарыла зь вернікамі ў менскім касьцёле Найсьвяцейшай Троіцы (Сьвятога Роха), што на Залатой горцы.
