6 красавіка было заплянаванае апытаньне ў межах дасудовай падрыхтоўкі па скарзе старшыні Беларускага Хэльсынкскага камітэту Алега Гулака аб забароне яму выяжджаць за мяжу.
У якасьці адказьнікаў па справе выступаюць МУС і Мін’юст.
Аднак з Гулаком зьвязалася сакратар суду Цэнтральнага раёну Менску і паведаміла, што прызначаная на гэтую справу судзьдзя ня зможа прысутнічаць на паседжаньні 6 красавіка, бо ёй трэба весьці прыём грамадзянаў.
Дата паседжаньня перанесеная на няпэўны тэрмін, паведаміў Гулак праваабарончаму цэнтру «Вясна».
Праваабаронца адзначыў, што ў сваёй практыцы яму не даводзілася сутыкацца з падобнымі пераносамі.
Такое самае паведамленьне атрымаў і юрыст БХК Гары Паганяйла. Папярэдняе паседжаньне было заплянаванае на 18-га красавіка.
Цягам сакавіка зь Беларусі не маглі выехаць:
У якасьці адказьнікаў па справе выступаюць МУС і Мін’юст.
Аднак з Гулаком зьвязалася сакратар суду Цэнтральнага раёну Менску і паведаміла, што прызначаная на гэтую справу судзьдзя ня зможа прысутнічаць на паседжаньні 6 красавіка, бо ёй трэба весьці прыём грамадзянаў.
Дата паседжаньня перанесеная на няпэўны тэрмін, паведаміў Гулак праваабарончаму цэнтру «Вясна».
Праваабаронца адзначыў, што ў сваёй практыцы яму не даводзілася сутыкацца з падобнымі пераносамі.
Такое самае паведамленьне атрымаў і юрыст БХК Гары Паганяйла. Папярэдняе паседжаньне было заплянаванае на 18-га красавіка.
Цягам сакавіка зь Беларусі не маглі выехаць:
- палітыкі — Анатоль Лябедзька, Сяргей Калякін, Віктар Карняенка, Валеры Ўхналёў, Станіслаў Шушкевіч, Вінцук Вячорка, Віктар Івашкевіч;
- праваабаронцы — Валянцін Стэфановіч, Андрэй Бандарэнка, Гары Паганяйла, Алег Гулак;
- журналісты — Андрэй Дынько, Жана Літвіна, Міхаіл Янчук.
