Лідэры краін гэтага рэгіёну, якія сабраліся на надзвычайны саміт у сталіцы Сэнэгалу Дакары, заклікалі да вяртаньня Малі да грамадзянскага кіраваньня. 21 сакавіка ў гэтай краіне адбыўся ваенны пераварот, прэзыдэнт Амаду Тумані Турэ быў адхілены ад улады.
Прэзыдэнт Кот-д'Івуара Алассан Уаттара, выступаючы перад журналістамі ад імя лідэраў краінаў Эканамічнага супольнасьці дзяржаў Заходняй Афрыкі, заявіў, што санкцыі будуць зьнятыя пасьля аднаўленьня канстытуцыйнага парадку ў Малі.
На мінулым тыдні супольнасьць дала ваенным кіраўнікам Малі 72 гадзіны на аднаўленьне грамадзянскага праўленьня, прыстрашыўшы санкцыямі і магчымым ваенным умяшаньнем. У панядзелак тэрмін ультыматуму мінуў.
Санкцыі прадугледжваюць, у прыватнасьці, спыненьне доступу ўраду Малі да рэгіянальнага Цэнтрабанка. Як удакладніў Уаттара, ваенная сіла ў цяперашні час прымяняцца не будзе.
Дзяржавы Заходняй Афрыкі заявілі аб увядзеньні дыпляматычных, эканамічных і фінансавых санкцый супраць Малі.
Самае папулярнае
1