БУДЗЕ...
...хмарна, але без ападкаў. Тэмпэратура: удзень +3 — +5, ноччу каля нуля.
У БЕЛАРУСІ І СЬВЕЦЕ
Менск наведвае дырэктар МАГАТЭ Юкіё Амана. Чакаецца яго сустрэча зь міністрам замежных справаў Беларусі Сяргеем Мартынавым.
У вялікай зале Музэю сучаснага выяўленчага мастацтва (Менск, пр. Незалежнасьці, 47) а 17.00 гадзіне адбудзецца адкрыцьцё выставы мастацкага шкла.
Канцлер Нямеччыны Ангела Мэркель наведвае Чэскую рэспубліку.
Міністар замежных справаў Расеі Сяргей Лаўроў зь візытам у Азэрбайджане.
* * *
У вечаровым эфіры Свабоды перадачы «Вольная студыя» Міхася Скоблы, «Падарожжа Свабоды» Віталя Сямашкі і «Гамбурскі рахунак» Альгерда Бахарэвіча.
* * *
Паважаныя наведнікі сайту! Дапамажыце больш поўна прадставіць беларускі дзень — дашліце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl.org.
ТАКСАМА Ў ГЭТЫ ДЗЕНЬ:
1922 — Іосіф Сталін быў выбраны генэральным сакратаром Расейскай камуністычнай партыі (бальшавікоў).
1991 — у Менску пачалася двухдзённая забастоўка работнікаў з эканамічнымі і палітычнымі патрабаваньнямі.
У гэты дзень нарадзіліся:
1885 — Барыс Вількіцкі, дасьледчык Арктыкі, гідрограф-геадэзіст беларускага паходжаньня.
1924 — Марлон Брандо, амэрыканскі актор тэатру і кіно.
1937 — Іван Антановіч, беларускі палітык і дыплямат, прафэсар філязофіі.
У гэты дзень памерлі:
1973 — Анатоль Марцінкевіч, адзін з пачынальнікаў беларускага баскетболу.
1980 — Леанід Галяк, юрыст, журналіст, дзяяч эміграцыі ў Нямеччыне і ЗША.
1991 — Грэм Грын, ангельскі пісьменьнік.
2003 — Алег Табола, удзельнік маладзёвага антысавецкага падпольля ў Глыбокім, вязень ГУЛАГу.
ЦЫТАТА НА ПАМЯЦЬ:
«Пакута не становіцца больш пакутлівай ад таго, што пакутнікаў шмат; адно цела можа выпакутаваць ня менш, чым ўсё чалавецтва».
Грэм Грын
ГОД ТАМУ Ў ЗАГАЛОЎКАХ НА САЙЦЕ СВАБОДЫ:
Фанаты гурту «Ляпіс Трубяцкі» правялі флэш-моб
Яўка на выбарах у Казахстане — 84%
ЗША згортваюць місію ў Лібіі
