Лінкі ўнівэрсальнага доступу

Бабруйск: міліцыя папярэджвае актывістаў перад Днём Волі


У Бабруйску папярэджваюць актывістаў апазыцыі аб адказнасьці за ўдзел у несанкцыянаваных мерапрыемствах на Дзень волі.

Тыя, каго папярэдзілі кажуць, што ўчастковыя міліцыянты маюць сьпісы складзеныя ў КДБ.

24 сакавіка раніцай участковы міліцыянт наведаўся да актывісткі Аб’яднанай грамадзянскай партыі Алены Тоўсьцік.

«Ён прыйшоў і даў паперчыну нейкую. Я запыталася: „Ці варта, дзе расьпісвацца?“. Ён адказаў, што трэба „проста прачытаць“. На ёй было напісана: „Рапарт. Я правёў гутарку з Тоўсьцік Аленай і папярэдзіў пра тое, што можа быць за удзел у несанкцыянаваных масавых шэсьцях на Дзень волі“. Потым пацікавіўся: „Ці многа вас будзе?“. Да маёй сяброўкі, актывісткі АГП, таксама прыходзіў. Той нават сьпіс паказваў. Сказаў, што сьпісы з КДБ. Я і сама бачыла сьпіс. На адным аркушы паперы прыкладна па пяць чалавек. У кожнага пазначана месца працы, альбо месцы навучаньня», — распавяла Алена Тоўсьцік.

Папярэджваць бабруйскіх актывістаў пачалі ад 22 сакавіка. Актывісты адзначаюць, што міліцыянтам галоўнае было засьведчыць, што яны прыходзілі.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG