НАДВОР’Е:
У Віцебску сонейка, на астатняй тэрыторыі краіны — хмарна, дажджы, у Берасьці, Гародні і Гомелі — +5 — +9, у Менску, Віцебску і Магілёве — ад нуля да 3 градусаў цяпла.
У Беларусі і ў сьвеце
Менск, прэсавая канфэрэнцыя арганізатараў мерапрыемстваў да Дня Волі. Прэсавая канфэрэнцыя пройдзе па адрасе: вул. Кульман, 4. Пачатак у 12 гадзін.
Менск, Дзяржаўны літаратурна-мэмарыяльны музэй Якуба Коласа (вул. Акадэмічная, 5) ладзіць літаратурна-музычны вечар, прысьвечаны Сусьветнаму дню паэзіі.
Бэрлін: Перамовы міністра замежных справаў Нямеччыны Гіда Вэстэрвэле з кіраўнікамі МЗС Польшчы і Расеі Радаславам Сікорскім і Сяргеем Лаўровым.
* * *
Зваротная сувязь. Перадача «Званочкі», у якой Ян Максімюк камэнтуе тэлефанаваньні нашых слухачоў і «Паштовая скрынка-111», дзе вашы лісты чытае і камэнтуе Валянцін Жданко.
* * *
ТАКСАМА Ў ГЭТЫ ДЗЕНЬ:
1562 ― Гомель атрымаў герб
1871 ― Бісмарк становіцца канцлерам Германскай імпэрыі
1927 ― польскі міністар унутраных справаў Феліцыян Славой-Складкоўскі выдаў пастанову, што забараняла Сацыялістычную Грамаду і Незалежную сялянскую партыю
1980 ― прэзыдэнт ЗША Джым Картэр абвяшчае амэрыканскі байкот Алімпійскіх гульняў у Маскве
У гэты дзень нарадзіліся:
1840 ― Францішак Багушэвіч, беларускі паэт
1935 ― Філарэт, мітрапаліт Менскі і Слуцкі, Патрыяршы экзарх усяе Беларусі
У гэты дзень памёрлі:
1608 ― Канстанцін Васіль Астроскі, палітычны, вайсковы і культурны дзяяч Вялікага Княства Літоўскага, праваслаўны магнат, які задушыў паўстаньне Налівайкі
2003 ― Георгій Таразевіч, савецкі і беларускі палітычны дзяяч
ЁСЬЦЬ НАГОДА
Мусульманскае сьвята Наўруз
Міжнародны дзень барацьбы за ліквідацыю расавай дыскрымінацыі
Міжнародны дзень паэзіі
ЦЫТАТА НА ПАМЯЦЬ:
Жыцьцё — вандроўка на чоўне па моры,
Сьмерць — гэта прыстань пасьля працы рупнай.
Многім даецца раскоша бяз гора,
Вось яны й лічаць, што ўсё ім даступна.
Францішак Багушэвіч
ГОД ТАМУ Ў ЗАГАЛОЎКАХ НА САЙЦЕ «СВАБОДЫ»:
У Менску запрашаюць на Дзень Волі
Казулін, Івашкевіч, Шушкевіч заклікаюць байкатаваць парлямэнцкія выбары — 2012
Беларусь можа забараніць уезд больш як 150 прадстаўнікам ЭЗ і ЗША
Партрэт на фоне кратаў. Прэм’ера рубрыкі
Рэзалюцыя ААН па Лібіі: Мядзьведзеў супраць Пуціна