Лінкі ўнівэрсальнага доступу

Бураўкін: Беларуская ўлада бязьлітасная


Генадзь Бураўкін
Генадзь Бураўкін
Паэт Генадзь Бураўкін перакананы, што Сяргей Каваленка сьвядома ідзе на пакуты, гатовы нават на сьмерць, адстойваючы свае перакананьні, дарагія для многіх беларусаў, што ня можа не выклікаць і павагі, і страху за яго жыцьцё.

Беларуская ўлада бязьлітасная, яна ня слухае сваіх грамадзян і не ідзе на кампраміс, таму знайсьці выйсьце цяжка, кажа спадар Бураўкін:

«Адзінае, на што ў мяне ёсьць нейкая слабая надзея, — што, можа, удасца нашых высокіх кіраўнікоў, генэралаў і чыноўнікаў, якія вельмі любяць сваіх грамадзян садзіць за краты, прымусіць воляю высокіх людзей, міжнародных аўтарытэтаў, воляю аўтарытэтаў Расеі, якіх вельмі баяцца нашыя гаспадары жыцьця».

Генадзь Бураўкін спадзяецца, што калі б да беларускага кіраўніцтва зьвярнуўся Ўладзімер Пуцін у справе выратаваньня жыцьця Каваленку, можа, яго паслухалі б.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG