Лінкі ўнівэрсальнага доступу

«Ляпіс Трубяцкой» — найлепшы гурт Расеі 2011 году


«Ляпіс Трубяцкой» у кліпе на песьню «Ня быць скотам».

Беларускі гурт «Ляпіс Трубяцкой» перамог у трох намінацыях расейскай рок-прэміі «Чортаў тузін. Топ 13».

Сяргей Міхалок і ягоная каманда атрымалі самую прэстыжную прэмію — «Група году», а таксама прэміі ў намінацыях «Паэзія» і «Відэа».

«Гэта вельмі важная для нас перамога, — заявіў Сяргей Міхалок. — „Ляпісы“ — маленькі незалежны анарха-сындыкат, мы не ўваходзім у шоў-бізнэс-кланы, ня ўдзельнічаем у „зоркавых“ тэлешоў, не наведваем сьвецкія раўты... І тым ня менш нас прызналі найлепшым гуртам 2011 году — значыць, мы ідзем правільным шляхам».

«Ляпіс Трубяцкой» нядаўна выпусьціў патрыятычны відэакліп на словы Янкі Купалы «Ня быць скотам», дзе ўдзельнікі зьнятыя ў нацыянальнай вопратцы на тле «Пагоні» і бел-чырвона-белага сьцяга. Адначасна лідэр гурту Сяргей Міхалок пакінуў Беларусь пад пагрозай крымінальнага перасьледу за выказваньні на адрас кіраўніка краіны.

Глядзець камэнтары (2)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG