Ня гледзячы на спробы супрацоўнікаў Дзяржаўнага памежнага камітэту заблякаваць выезд зь Беларусі для апанэнтаў рэжыму, усе апазыцыйныя палітыкі, запрошаныя ў літоўскую сталіцу, туды ўсё ж трапілі.
Як паведамляе сайт Аб'яднанай грамадзянскай партыі, лідэр гэтай партыі Анатоль Лябедзька, кіраўнік партыі «Справядлівы сьвет» Сяргей Калякін і каардынатар кампаніі «За справядлівыя выбары» Віктар Карняенка, раней спыненыя на беларуска-літоўскай мяжы і разьвернутыя назад, знайшлі магчымасьць патрапіць на тэрыторыю Эўразьвязу, абышоўшы рэжымныя кардоны. Вось што сказаў Анатоль Лябедзька:
– Наш выезд – гэта форма пратэсту і аднаўленьня дзеяньняў нормаў Канстытуцыі датычна свайго права на свабоднае перамяшчэньне. Сьпіс палітычных невыязных – гэта антыканстытуцыйнае рашэньне ўладаў РБ.
На думку спадара Лябедзькі, улады праводзяць тактыку кропкавага абмежаваньня на выезд для апазыцыйных актывістаў, паколькі беларуска-літоўскую мяжу бесьперашкодна перасеклі кіраўнікі Партыі БНФ Аляксей Янукевіч і Рыгор Кастусёў, прадстаўнікі руху «За Свабоду!» Юрась Губарэвіч і Аляксей Кавалец. Магчыма, робіць выснову лідэр АГП, такім чынам улада імкнецца ўбіць клін ў апазыцыю: маўляў, адным на мяжы – зялёнае сьвятло, іншым – чырвонае.
Як паведамляе сайт Аб'яднанай грамадзянскай партыі, лідэр гэтай партыі Анатоль Лябедзька, кіраўнік партыі «Справядлівы сьвет» Сяргей Калякін і каардынатар кампаніі «За справядлівыя выбары» Віктар Карняенка, раней спыненыя на беларуска-літоўскай мяжы і разьвернутыя назад, знайшлі магчымасьць патрапіць на тэрыторыю Эўразьвязу, абышоўшы рэжымныя кардоны. Вось што сказаў Анатоль Лябедзька:
– Наш выезд – гэта форма пратэсту і аднаўленьня дзеяньняў нормаў Канстытуцыі датычна свайго права на свабоднае перамяшчэньне. Сьпіс палітычных невыязных – гэта антыканстытуцыйнае рашэньне ўладаў РБ.
На думку спадара Лябедзькі, улады праводзяць тактыку кропкавага абмежаваньня на выезд для апазыцыйных актывістаў, паколькі беларуска-літоўскую мяжу бесьперашкодна перасеклі кіраўнікі Партыі БНФ Аляксей Янукевіч і Рыгор Кастусёў, прадстаўнікі руху «За Свабоду!» Юрась Губарэвіч і Аляксей Кавалец. Магчыма, робіць выснову лідэр АГП, такім чынам улада імкнецца ўбіць клін ў апазыцыю: маўляў, адным на мяжы – зялёнае сьвятло, іншым – чырвонае.