Аскерка і Шутко асуджаныя за падтрымку Саньнікава

Апазыцыянэры былі затрыманыя 9 сакавіка пасьля таго, як напярэдадні, у дзень нараджэньня Саньнікава выйшлі ў цэнтар Барысава зь бел-чырвона-белымі сьцягамі і партрэтам былога кандыдата ў прэзыдэнты. У дачыненьні да маладых людзей былі складзеныя пратаколы аб адміністрацыйным правапарушэньні.

Актывісты знаходзіліся ў ізалятары часовага ўтрыманьня Барысаўскага РАУС. Суд прысудзіў Анатоля Аскерку да 15 сутак арышту, Івана Шутко – да 10.