У Турэччыне на сырыйскім памежжы фармуюцца ўзброеныя атрады сырыйскай апазыцыі. Пра гэта паведамляе карэспандэнт Радыё Свабода Алена Сонцава.
Лагер паўстанцаў знаходзіцца ў правінцыі Хатай на ўсходзе Турэччыны. Так званую «Вольную сырыйскую армію» ачольвае палкоўнік Рыяд эль Асад, які пакінуў урадавыя войскі. Паводле турэцкай прэсы, ва ўзброеныя фармаваньні сырыйскіх апазыцыянэраў увайшлі каля трохсот сарака афіцэраў і каля дзесяці тысяч салдат, якія дэзэртавалі з урадавых войскаў.
Да вайскоўцаў далучаюцца цывільныя урадоўцы. Намеснік міністра нафты Абдо Хусамедзін, які нядаўна перайшоў на бок апазыцыі, заявіў:
- Я асуджаю Башара Асада за тое, што на працягу году ў краіне льецца кроў, не выконваюцца асноўныя правы чалавека. Я заклікаю ўсіх цывільных урадоўцаў пакінуць гэты карабель, які ўжо патанае, і далучыцца да апазыцыі.
Напярэдадні ў Турэччыну ўцяклі 5 сырыйскіх генэралаў, якія вырашылі перайсьці на бок сырыйскай апазыцыі разам з шасьцю старэйшымі афіцэрамі. З пачатку ваенных дзеяньняў у Сірыі турэцкую мяжу перасеклі 12 тысяч чалавек.
Лагер паўстанцаў знаходзіцца ў правінцыі Хатай на ўсходзе Турэччыны. Так званую «Вольную сырыйскую армію» ачольвае палкоўнік Рыяд эль Асад, які пакінуў урадавыя войскі. Паводле турэцкай прэсы, ва ўзброеныя фармаваньні сырыйскіх апазыцыянэраў увайшлі каля трохсот сарака афіцэраў і каля дзесяці тысяч салдат, якія дэзэртавалі з урадавых войскаў.
Да вайскоўцаў далучаюцца цывільныя урадоўцы. Намеснік міністра нафты Абдо Хусамедзін, які нядаўна перайшоў на бок апазыцыі, заявіў:
- Я асуджаю Башара Асада за тое, што на працягу году ў краіне льецца кроў, не выконваюцца асноўныя правы чалавека. Я заклікаю ўсіх цывільных урадоўцаў пакінуць гэты карабель, які ўжо патанае, і далучыцца да апазыцыі.
Напярэдадні ў Турэччыну ўцяклі 5 сырыйскіх генэралаў, якія вырашылі перайсьці на бок сырыйскай апазыцыі разам з шасьцю старэйшымі афіцэрамі. З пачатку ваенных дзеяньняў у Сірыі турэцкую мяжу перасеклі 12 тысяч чалавек.
