«Нягледзячы на рашэньне АБСЭ не дасылаць назіральнай місіі на славацкія парлямэнцкія выбары, за правядзеньнем галасаваньня будуць сачыць незалежныя назіральнікі. Дзень выбараў будзе ацэньваць 40 назіральнікаў беларускай арганізацыі Belarus Watch», — паведамляе славацкае агенцтва TARS.
«Папярэднія высновы місіі будуць сфармуляваныя ў заяве, якую мы абнародуем неўзабаве пасьля выбараў», — заявіла ў інтэрвію TARS прадстаўніца беларускіх назіральнікаў Анастасія Матчанка.
Раней прэсавая сакратарка ЦВК Славаччыны пацьвердзіла, што Арганізацыя бясьпекі і супрацоўніцтва ў Эўропе (АБСЭ) пастанавіла не дасылаць назіральнікаў на парлямэнцкія выбары ў гэтай краіне, падкрэсьліўшы, што члены арганізацыі ня ставяць пад сумнеў справядлівасьці выбарчага працэсу ў Славаччыне і сумленнасьці падліку галасоў.
Грамадзяне Славаччыны абіраюць сёньня дэпутатаў парлямэнту. Чакаецца, што па выніках галасаваньня кіроўныя правацэнтрысты на чале з прэм’ер-міністрам Івэтай Радзічавай пацярпяць сакрушальную паразу. Фаварытам выбараў лічыцца сацыял-дэмакратычная партыя экс-прэм’ера Робэрта Фічо.
Выбары праходзяць на фоне карупцыйнага скандалу, які разгарэўся ў сьнежні, пасьля таго, як у інтэрнэт патрапілі дакумэнты, што сьведчаць аб шырокамаштабным подкупе кіроўных правацэнтрыстаў камэрцыйнымі суб’ектамі ў пэрыяд з 1998 па 2006 гады.
Напярэдадні выбараў здарыліся сутыкненьні паліцыі з дэманстрантамі, якія пратэставалі супраць карупцыі.
«Папярэднія высновы місіі будуць сфармуляваныя ў заяве, якую мы абнародуем неўзабаве пасьля выбараў», — заявіла ў інтэрвію TARS прадстаўніца беларускіх назіральнікаў Анастасія Матчанка.
Раней прэсавая сакратарка ЦВК Славаччыны пацьвердзіла, што Арганізацыя бясьпекі і супрацоўніцтва ў Эўропе (АБСЭ) пастанавіла не дасылаць назіральнікаў на парлямэнцкія выбары ў гэтай краіне, падкрэсьліўшы, што члены арганізацыі ня ставяць пад сумнеў справядлівасьці выбарчага працэсу ў Славаччыне і сумленнасьці падліку галасоў.
Грамадзяне Славаччыны абіраюць сёньня дэпутатаў парлямэнту. Чакаецца, што па выніках галасаваньня кіроўныя правацэнтрысты на чале з прэм’ер-міністрам Івэтай Радзічавай пацярпяць сакрушальную паразу. Фаварытам выбараў лічыцца сацыял-дэмакратычная партыя экс-прэм’ера Робэрта Фічо.
Выбары праходзяць на фоне карупцыйнага скандалу, які разгарэўся ў сьнежні, пасьля таго, як у інтэрнэт патрапілі дакумэнты, што сьведчаць аб шырокамаштабным подкупе кіроўных правацэнтрыстаў камэрцыйнымі суб’ектамі ў пэрыяд з 1998 па 2006 гады.
Напярэдадні выбараў здарыліся сутыкненьні паліцыі з дэманстрантамі, якія пратэставалі супраць карупцыі.