«Лібэральны клюб» звычайна праводзіць свае паседжаньні адзін-два разы на месяц. Раней яны праходзілі у сталічным гатэлі «Эўропа». Але гэтым разам адміністрацыя гатэлю адмовіла лібэралам. Таксама без тлумачэньня прычын «Лібэральнаму клюбу» адмовілі ў гатэлях «Вікторыя» й «Краўн Плаза». Тады лібэралы зьвярнуліся ў «Галерэю Ў». Ім адмовілі і там, патлумачыўшы, што гэта палітычнае мерапрыемства, а ў «Галерэі Ў» праводзяцца культурніцкія імпрэзы.
«Факт адмовы ў прадастаўленьні памяшканьня для мерапрыемства з боку ўсіх установаў, у якія мы зьвярталіся, здаецца нам сумным і нават абсурдным, — гаворыцца ў паведамленьні „Лібэральнага клюбу“. — На фоне падзеяў, якія адбываюцца ў апошнія дні ў адносінах Беларусі і ЭЗ наша панэльная дыскусія была заклікана „зьбіць эмацыйны напал“ і пачаць аргумэнтаванае канструктыўнае абмеркаваньне магчымасьцяў выхаду з сытуацыі, якая склалася ».
Адзін з арганізатараў дыскусіі Яўген Прэйгерман паведаміў Радыё Свабода, што вялікую цікавасьць да мерапрыемства праявілі і прадстаўнікі органаў дзяржаўнай улады, у прыватнасьці, Інфармацыйна-аналітычнага цэнтру Адміністрацыі прэзыдэнта, а таксама дзяржаўных СМІ:
«А адмена мерапрыемства пазбавіла ўсіх патэнцыйных удзельнікаў магчымасці пачуць розныя пункты гледжаньня і пазбавіцца ад чорна-белага ўспрыманьня праблематыкі».
«Факт адмовы ў прадастаўленьні памяшканьня для мерапрыемства з боку ўсіх установаў, у якія мы зьвярталіся, здаецца нам сумным і нават абсурдным, — гаворыцца ў паведамленьні „Лібэральнага клюбу“. — На фоне падзеяў, якія адбываюцца ў апошнія дні ў адносінах Беларусі і ЭЗ наша панэльная дыскусія была заклікана „зьбіць эмацыйны напал“ і пачаць аргумэнтаванае канструктыўнае абмеркаваньне магчымасьцяў выхаду з сытуацыі, якая склалася ».
Адзін з арганізатараў дыскусіі Яўген Прэйгерман паведаміў Радыё Свабода, што вялікую цікавасьць да мерапрыемства праявілі і прадстаўнікі органаў дзяржаўнай улады, у прыватнасьці, Інфармацыйна-аналітычнага цэнтру Адміністрацыі прэзыдэнта, а таксама дзяржаўных СМІ:
«А адмена мерапрыемства пазбавіла ўсіх патэнцыйных удзельнікаў магчымасці пачуць розныя пункты гледжаньня і пазбавіцца ад чорна-белага ўспрыманьня праблематыкі».
