Парлямэнт Грэцыі ўхваліў закон аб сьпісаньні часткі доўгу краіны

Трымальнікі грэцкіх каштоўных папераў атрымаюць новыя аблігацыі, з наміналам на 53,5% меншым, чым ранейшыя.

Сьпісаньне часткі даўгоў Грэцыі замежным банкам і іншым прыватным крэдыторам — складовая частка пагадненьня аб прадастаўленьні Афінам другога пакета міжнароднай фінансавай дапамогі — на суму ў 130 мільярдаў эўра.

Без тэрміновага прадастаўленьня крэдытаў Эўразьвязу і МВФ Грэцыі ўжо вясной пагражаў б дэфолт.