Лінкі ўнівэрсальнага доступу

Нарышкін прапануе стварыць Эўразійскі парлямэнт


Сьпікер Дзяржаўнай думы РФ Сяргей Нарышкін лічыць, што настаў час для пачатку фармаваньня агульнага Эўразійскага парлямэнту Расеі, Беларусі і Казахстана, паведамляе Інтэрфакс.

«На парадку дня стаіць пытаньне фармаваньня Эўразійскага парлямэнту», – сказаў Нарышкін падчас наведваньня Міжпарлямэнцкай асамблеі краін СНД у Пецярбургу ў сераду.

Паводле яго слоў, за апошнія гады на тэрыторыі СНД назіраюцца магутныя інтэграцыйныя працэсы, у прыватнасьці, перад дзяржавамі Эўразійскага саюзу стаіць шэраг пытаньняў аб стварэньні агульнага эканамічнага заканадаўства.

Ён адзначыў, што нацыянальныя парлямэнты ня могуць і не павінны займацца падобнай працай. У сувязі з гэтым, на думку сьпікера Дзярждумы, прыйшоў час для разгляду пытаньня аб стварэньні агульнага Эўразійскага парлямэнту.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG