Ён сказаў: «Наша рука працягнутая, цяпер мы чакаем руку ў адказ». Спадар Марэш падчас свайго візыту ў Беларусь правёў шэраг сустрэчаў у міністэрствах замежных справаў і адукацыі. Ён паведаміў, што напачатку сакавіка ў Празе пройдзе сустрэча міністраў замежных справаў Вышэградзкай групы (Чэхіі, Славаччыны, Польшчы, Вугоршчыны). На сустрэчы таксама запрошаныя кіраўнікі МЗС краін «Усходняга партнэрства», балтыйскіх краінаў і Даніі, якая зараз старшынюе ў ЭЗ.
На пытаньне, ці будзе Беларусь на гэтай сустрэчы прадстаўляць міністар Мартынаў, амбасадар Марэш адказаў, што пакуль гэта невядома.
Спадар Марэш дадаў, што сустрэчы міністраў будзе папярэднічаць сустрэча прадстаўнікоў Грамадзянскага форуму «Ўсходняга партнэрства».
Тлумачачы матывы сваёй паездкі ў Беларусь, амбасадар Марэш сказаў: «Беларусь – гэта эўрапейская краіна, яна была з Эўропай амаль усю сваю гісторыю, а зараз кідаецца паміж Усходам і Захадам. У такой сытуацыі цяжэй за ўсё знайсьці балянс. Лягчэй было б кінуць Беларусь у ізаляцыі, але мы гэтага ня хочам. Зусім перапыняць камунікацыі нельга, таму што мы ведаем, што ёсьць адна толькі сталіца, якая здолее гэтую сытуацыю скарыстаць і ў якой хопіць на гэта сродкаў».
Агенцтва БелаПАН падкрэсьлівае, што гаворачы пра «адну сталіцу», чэскі дыплямат меў на ўвазе Маскву.
Раней у інтэрвію Эўрарадыё Пэтэр Марэш адказаў на пытаньне, ці можа быць Беларусь выключаная з «Усходняга партнэрства»: «Ведаеце, я аб'езьдзіў практычна ўсю Эўропу, праводзячы дыскусіі на тэму «Ўсходняга партнэрства» – ад Лёндану да Варшавы, ад Стакгольму да Рыму. І не сустрэў ніводнага чалавека, палітыка ці чыноўніка, які б сказаў, што Беларусь трэба выгнаць з «Усходняга партнэрства». Нашы адносіны вельмі складаныя, праблем шмат, але Беларусь зьяўляецца вельмі важнай часткай «Усходняга партнэрства».
Чэскі дыплямат выказаў упэўненасьць, што калі Беларусь ня вырашыць сама сысьці з «Усходняга партнэрства», яе ніхто ніколі выганяць ня будзе: «Мы заўсёды будзем шукаць шляхі для супрацоўніцтва. Для таго, каб наблізіць Беларусь да Эўразьвязу як мага бліжэй».
Амбасадар чэскага МЗС па асаблівых даручэньнях паведаміў, што займаўся падчас візыту ў Менск пераважна адукацыйнымі праграмамі, яго цікавіць, ці можна наладзіць супрацу паміж ВНУ шэрагу краінаў ЭЗ і Беларусі.
Нагадаем, што на пазамінулым тыдні Беларусь наведаў прадстаўнік зьнешнепалітычнага ведамства ЭЗ Гунар Віганд. А ў наступны панядзелак Рада Эўразьвязу будзе разглядаць беларускае пытаньне, ня выключана, што на ім будуць прынятыя важныя рашэньні, якія тычацца сьпісу беларускіх афіцыйных прадстаўнікоў, якім забаронены ўезд у краіны ЭЗ.
На пытаньне, ці будзе Беларусь на гэтай сустрэчы прадстаўляць міністар Мартынаў, амбасадар Марэш адказаў, што пакуль гэта невядома.
Спадар Марэш дадаў, што сустрэчы міністраў будзе папярэднічаць сустрэча прадстаўнікоў Грамадзянскага форуму «Ўсходняга партнэрства».
Тлумачачы матывы сваёй паездкі ў Беларусь, амбасадар Марэш сказаў: «Беларусь – гэта эўрапейская краіна, яна была з Эўропай амаль усю сваю гісторыю, а зараз кідаецца паміж Усходам і Захадам. У такой сытуацыі цяжэй за ўсё знайсьці балянс. Лягчэй было б кінуць Беларусь у ізаляцыі, але мы гэтага ня хочам. Зусім перапыняць камунікацыі нельга, таму што мы ведаем, што ёсьць адна толькі сталіца, якая здолее гэтую сытуацыю скарыстаць і ў якой хопіць на гэта сродкаў».
Агенцтва БелаПАН падкрэсьлівае, што гаворачы пра «адну сталіцу», чэскі дыплямат меў на ўвазе Маскву.
Раней у інтэрвію Эўрарадыё Пэтэр Марэш адказаў на пытаньне, ці можа быць Беларусь выключаная з «Усходняга партнэрства»: «Ведаеце, я аб'езьдзіў практычна ўсю Эўропу, праводзячы дыскусіі на тэму «Ўсходняга партнэрства» – ад Лёндану да Варшавы, ад Стакгольму да Рыму. І не сустрэў ніводнага чалавека, палітыка ці чыноўніка, які б сказаў, што Беларусь трэба выгнаць з «Усходняга партнэрства». Нашы адносіны вельмі складаныя, праблем шмат, але Беларусь зьяўляецца вельмі важнай часткай «Усходняга партнэрства».
Чэскі дыплямат выказаў упэўненасьць, што калі Беларусь ня вырашыць сама сысьці з «Усходняга партнэрства», яе ніхто ніколі выганяць ня будзе: «Мы заўсёды будзем шукаць шляхі для супрацоўніцтва. Для таго, каб наблізіць Беларусь да Эўразьвязу як мага бліжэй».
Амбасадар чэскага МЗС па асаблівых даручэньнях паведаміў, што займаўся падчас візыту ў Менск пераважна адукацыйнымі праграмамі, яго цікавіць, ці можна наладзіць супрацу паміж ВНУ шэрагу краінаў ЭЗ і Беларусі.
Нагадаем, што на пазамінулым тыдні Беларусь наведаў прадстаўнік зьнешнепалітычнага ведамства ЭЗ Гунар Віганд. А ў наступны панядзелак Рада Эўразьвязу будзе разглядаць беларускае пытаньне, ня выключана, што на ім будуць прынятыя важныя рашэньні, якія тычацца сьпісу беларускіх афіцыйных прадстаўнікоў, якім забаронены ўезд у краіны ЭЗ.
