У СУБОТУ...
...і ў нядзелю будзе пахмурна, у нядзелю ў дадатак пачне падаць сьнег. Тэмпэратура ўдзень: −10 — −5.
НЕ ПРАПУСЬЦІЦЕ:
У суботу ў эфіры «Свабоды»: а) онлайн-канфэрэнцыя з былым кандыдатам у прэзыдэнты Алесем Міхалевічам; б) «Гамбурскі рахунак Бахарэвіча» — эсэ пра Паўлюка Шукайлу.
У нядзелю ў «Праскім акцэнце» Юры Дракахруст разважае зь Віктарам Марціновічам зь Менску, Віктарам Дзятліковічам з Масквы і Камілем Клысінскім з Варшавы пра прычыны і мэты антызаходняй кампаніі ў беларускіх дзяржаўных СМІ, а таксама пра тое, як КДБ на загад Аляксандра Лукашэнкі будзе працаваць на парлямэнцкіх выбарах ды які ўплыў на беларускае грамадзтва робяць расейскія пратэсты. А ў «Залатым запасе» вы пачуеце працяг успамінаў Юльяны Вітан-Дубейкаўскай.
У ГЭТЫЯ ДНІ Ў БЕЛАРУСІ І Ў СЬВЕЦЕ:
18 лютага — прэзэнтацыя дзіцячай кнігі швэдзкага пісьменьніка Ульфа Старка «Дыктатар» у менскай кнігарні «Логвінаў». Пачатак а 14.00.
18 лютага — рэфэрэндум у Латвіі аб наданьні расейскай мове статусу дзяржаўнай.
18–19 лютага — у замку Ланы ў Чэхіі сустрэча прэзыдэнтаў Чэхіі, Славаччыны, Харватыі і Сэрбіі.
19 лютага — прэзэнтацыя аўдыёдыска «Дзінь-дзілінь: пара гуляць у казкі» з казкамі ад Сяргея Вітушкі ды сьпевамі ад удзельнікаў праекту. Кнігарня «Логвінаў», пачатак а 14.00.
***
Паважаныя наведнікі сайту! Дапамажыце больш поўна прадставіць беларускі дзень — дашліце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl. org.
ТАКСАМА Ў ГЭТЫЯ ДНІ:
Нарадзіліся:
18 лютага
1893 — Максім Гарэцкі, беларускі пісьменьнік і навуковец.
1922 — Міхаіл Савіцкі, народны мастак Беларусі, жывапісец, пэдагог.
19 лютага
1890 — Казімір Сваяк, беларускі каталіцкі сьвятар, паэт.
1901 — Сяргей Бусел, беларускі нацыянальны дзяяч, адзін з кіраўнікоў Слуцкага паўстаньня.
1908 — Станіслаў Шушкевіч, беларускі паэт, празаік, вязень савецкіх канцлягераў.
1910 — Палікарп Манькоў, грамадзкі дзяяч, кіраўнік СБМ у Слуцкай акрузе, журналіст, дзяяч эміграцыі ў Нямеччыне і ЗША.
Памерлі:
18 лютага
1979 — Юрка Гаўрук, беларускі перакладчык, вязень ГУЛАГу.
1995 — Заір Азгур, скульптар, народны мастак Беларусі.
19 лютага
1905 — Якуб Наркевіч-Ёдка, беларускі прыродазнаўца, вынаходнік, мэдык.
ЦЫТАТА НА ПАМЯЦЬ:
Пайшоў коўзацца каток
На рачулку, на лядок.
Як імчаўся, на хаду
Праваліўся у ваду.
Замачыў ён чаравічкі,
І касьцюм, і рукавічкі.
Нетрывалы быў лядок,
Непаслушны быў каток.
А яму ж казала маці,
Каб лавіў мышэй у хаце,
Каб маленькіх калыхаў
І на печы цёплай спаў.
Станіслаў Шушкевіч
ГОД ТАМУ Ў ЗАГАЛОЎКАХ НА САЙЦЕ «СВАБОДЫ»:
Наста Палажанка выйшла з турмы КДБ
Вашынгтон рэагуе на прысуд Парфянкову
Згарэла царква, якую расьпісваў Пушкін
«Была адзіная выспа свабоды ў цэнтры Менску — і тую адбіраюць»
Вольга Бандарэнка: Мой муж герой, а не злачынец!
