World Press Photo уганаравала найлепшых фотажурналістаў сьвету 2011 году. Прапануем вам выбар здымкаў-пераможцаў.
Прэміі World Press Photo за 2011 год
1
Галоўны прыз World Press Photo-2011 атрымаў Самуэль Аранда (Гішпанія) за партрэт жанчыны, якая трымае ў руках параненага падчас антыпрэзыдэнцкіх пратэстаў у Емэне.
2
Дамір Сагаль (Босьнія-Герцагавіна) атрымаў першы прыз у катэгорыі "Штодзённае жыцьцё" за фатаграфію будынку ў паўночнакарэйскай сталіцы Пхеньяне, упрыгожанага здымкам заснавальніка КНДР Кім Ір Сэна.
3
Стэфані Сінклер (ЗША) атрымала прэмію за сэрыю "Маленькія нявесты". На гэтым здымку, зробленым у Емэне, дзяўчынцы ў ружовым было шэсьць гадоў, калі яе выдалі замуж.
4
Ніклас Хамэрстрэм (Швэцыя) атрымаў прэмію ў катэгорыі "Навіны" за здымак на месцы падзеяў пасьля крывавай разьні, якую ўчыніў Андэрс Брэйвік на востраве Утэя. У спробе ўратавацца шмат хто скінуў адзеньне і кінуўся ў ваду.
5
Юры Козыраў (Расея) атымаў прэмію за здымак паўстанцаў у Рас Лануфе, Лібія.
6
Ясуёсі Ціба (Японія) была ўганараваная за сэрыю "Пасьля цунамі". На здымку Ціэка Мацукава паказвае школьнае пасьведчаньне дачкі, якое яна знайшла на руінах паселішча Хігасімацусіма.
7
Дацкая акторка іранскага паходжаньня Мэліка Мэхрабан на здымку Лэрке Посэльт у катэгорыі "Партрэты".
8
Алекс Маёлі (Італія) атрымаў прэмію за здымак эгіпэцкіх пратэстоўцаў, якія крыкамі абурэньня рэагуюць на тэлевыступ прэзыдэнта Хосьні Мубарака, які заявіў, што не зьбіраецца аддаваць уладу.
9
Белы мядзьведзь прабіраецца па скалістай сьцяжыне над акіянам на расейскім востраве Новая Зямля. Джэні Рос (ЗША) атрымала першую прэмію за гэты здымак у катэгорыі "Прырода".
10
Вэнсан Буазо (Францыя) атрымаў прэмію за здымак мадэлі ў кравецкай майстэрні ў цэнтры Дакару, Сэнэгал.
11
Алехандра Кірчук (Аргентына) атрымаў прэмію за сэрыю "Ніколі цябе не пакіну". 80-гадовы Маркас вядзе хворую на хваробу Альцгаймэра Моніку з спальні ў гасьцёўню.
12
Фатаздымак наступстваў цунамі ў Японіі Паола Пэлегрына (Італія) .
13
На здымку Томаша Лазара (Польшча) - пратэстоўцы, арыштаваныя падчас дэманстрацыі супраць дзеяньняў паліцыі і супраць беднасьці ў Гарлеме, Нью Ёрк.
14
Рэй Макманус (Ірляндыя) злавіў момант падчас матчу рэгбі паміж камандамі "Олд Бэльвэдэр" і "Блэкрок" пад залевай у Дубліне.
15
На здымку Адама Прэты (Аўстралія) - трэніроўка нырцоў падчас чэмпіянату сьвету ў Шанхаі.
16
Брэнт Стыртан (Паўднёвая Афрыка) атрымаў першую прэмію за фатаграфію Марыі, наркаманкі і прастытуткі з Крывога Рогу, Украіна.
Катэгорыі
- Мультымэдыя
- Відэа
