Адзін зь ягоных суразмоўцаў, старшыня Аб’яднанай грамадзянскай партыі Анатоль Лябедзька, паведаміў «Свабодзе»:
«У залі шмат знаёмых твараў. Па сваёй пасадзе эўрапейскі госьць — птушка высокага палёту. Цікава, што ў ягоным партфэлі?»
Спадара Віганда прыняў ужо міністар замежных спраў Беларусі Сяргей Мартынаў. Як паведамілі «Свабодзе» ў прэсавай службе зьнешнепалітычнага ведамства, Гунар Віганд сустрэўся з начальнікам упраўленьня агульнаэўрапейскага супрацоўніцтва МЗС Раманам Раманоўскім. «Бакі абмеркавалі бягучыя пытаньні беларуска-эўрапейскіх дачыненьняў і магчымыя падыходы да выбудоўваньня далейшага дыялёгу».
Візыт у Беларусь дырэктара дэпартамэнту Эўрапейскай службы зьнешняга дзеяньня Эўразьвязу Гунара Віганда мог супасьці па часе яшчэ з адным візытам — упаўнаважанага ўраду Нямеччыны па правах чалавека Маркуса Лёнінга. Аднак улады Беларусі адмовілі яму ва ўезьдзе ў краіну, паведамілі ў нямецкім МЗС.
Дырэктар Цэнтру эўрапейскай трансфармацыі ў Менску Андрэй Ягораў выказаў «Свабодзе» сваю вэрсію сытуацыі, калі аднаго чыноўніка пускаюць у Беларусь, а другога — не:
«Я думаю, што беларускі ўрад спрабуе падтрымліваць пэўны ўзровень нефармальных ці такіх сталых кантактаў з Эўрапейскім Зьвязам. Але такіх, якія, на ягоную думку, найбольш прагматычна могуць весьці да паляпшэньня адносінаў з Эўразьвязам. Натуральна, што прыезд упаўнаважанага па правах чалавека нават сымбалічна не нясе нічога добрага для беларускіх уладаў.
А вось праз спадара Віганда, які прадстаўляе Эўрапейскую камісію, найбольш прагматычны орган Эўрапейскага Зьвязу, наш урад спрабуе знайсьці нейкія выгады праз дамоваздольную асобу для паляпшэньня адносінаў».
«У залі шмат знаёмых твараў. Па сваёй пасадзе эўрапейскі госьць — птушка высокага палёту. Цікава, што ў ягоным партфэлі?»
Спадара Віганда прыняў ужо міністар замежных спраў Беларусі Сяргей Мартынаў. Як паведамілі «Свабодзе» ў прэсавай службе зьнешнепалітычнага ведамства, Гунар Віганд сустрэўся з начальнікам упраўленьня агульнаэўрапейскага супрацоўніцтва МЗС Раманам Раманоўскім. «Бакі абмеркавалі бягучыя пытаньні беларуска-эўрапейскіх дачыненьняў і магчымыя падыходы да выбудоўваньня далейшага дыялёгу».
Чаму Віганда ў Беларусь пусьцілі, а Лёнінга — не?
Візыт у Беларусь дырэктара дэпартамэнту Эўрапейскай службы зьнешняга дзеяньня Эўразьвязу Гунара Віганда мог супасьці па часе яшчэ з адным візытам — упаўнаважанага ўраду Нямеччыны па правах чалавека Маркуса Лёнінга. Аднак улады Беларусі адмовілі яму ва ўезьдзе ў краіну, паведамілі ў нямецкім МЗС.
Дырэктар Цэнтру эўрапейскай трансфармацыі ў Менску Андрэй Ягораў выказаў «Свабодзе» сваю вэрсію сытуацыі, калі аднаго чыноўніка пускаюць у Беларусь, а другога — не:
«Я думаю, што беларускі ўрад спрабуе падтрымліваць пэўны ўзровень нефармальных ці такіх сталых кантактаў з Эўрапейскім Зьвязам. Але такіх, якія, на ягоную думку, найбольш прагматычна могуць весьці да паляпшэньня адносінаў з Эўразьвязам. Натуральна, што прыезд упаўнаважанага па правах чалавека нават сымбалічна не нясе нічога добрага для беларускіх уладаў.
А вось праз спадара Віганда, які прадстаўляе Эўрапейскую камісію, найбольш прагматычны орган Эўрапейскага Зьвязу, наш урад спрабуе знайсьці нейкія выгады праз дамоваздольную асобу для паляпшэньня адносінаў».
