Уплывовыя аўстрыйскія выданьні «Kurier», «Die Presse» ды іншыя працягваюць зьмяшчаць крытычныя публікацыі на адрас замежнапалітычнага ведамства краіны ў сувязі з выдачай дыппашпартоў тым былым фэдэральным чыноўнікам, палітыкам, бізнэсоўцам, якія сярод іншага скампрамэтавалі сябе «сяброўствам» з Аляксандрам Лукашэнкам.
Чарговым героем газэты «Die Presse» стаў экс-прэзыдэнт аўстрыйскага нацыянальнага камітэту і ўладальнік сеткі казіно «Casinos Austria» Лео Вальнэр. Журналісты «Die Presse», зьвяртаюць увагу на наступную акалічнасьць: апошнім разам тэрмін дзеяньня дыпляматычнага пашпарта Вальнэра быў падоўжаны аўстрыйскім МЗС у ліпені 2010-га, якраз у разгар гучнага скандалу вакол «шэрай касы» аўстрыйскага Нацыянальнага алімпійскага камітэту і аплаты зь яе адпачынку беларускага прэзыдэнта ў Альпах у лютым 2002 году.
Як адзначае «Die Presse», за грошы аўстрыйскіх падаткаплатнікаў Вальнэр арганізаваў беларускаму дыктатару сапраўднае сьвята, падчас якога быў задаволены ледзь ня кожны капрыз высокіх беларускіх гасьцей. Гэта і пражываньне ў фэшэнэбэльных гатэлях, наведваньне рэстарацыяў і казіно, атрыманьне гарналыжных урокаў, так званы «карпаратыў» з удзелам DJ Ötzi (сцэнічны псэўданім аднаго з найбольш папулярных нямецкамоўных сьпевакоў Гергарда Фрыдля), арганізацыя хакейных спаборніцтваў паміж беларускай прэзыдэнцкай і мясцовай камандамі, выклік верталётнай службы, калі Лукашэнка траўмаваў сьцягно на гарналыжным спуску, наведваньне прыватнай мэдычнай установы, чартэрныя авіяпералёты і г. д. Толькі згодна з раней апублікаванымі ў аўстрыйскіх мэдыях рахункамі, з патаемнай касы на адпачынак Лукашэнкі і яго сьвіты пайшло 200 тысяч эўра. Сродкі нібыта былі пералічаныя нейкімі аўстрыйскімі кампаніямі. Назвы гэтых фірмаў і дасюль не агучваюцца.
«Мы дзейнічалі ў інтарэсах аўстрыйскай эканомікі», — так тлумачыў журналістам экс-кіраўнік аўстрыйскага НАК Лео Вальнэр сваю надзвычайную гасьціннасьць у дачыненьні да «дыктатара Лукашэнкі» і яго каманды, людзей, якія брутальна парушаюць правы чалавека і ўсякія кантакты зь якімі афіцыйна байкатуюцца ў Эўразьвязе.
Як адзначае «Die Presse», пры дапамозе ідэяў алімпійскай дыпляматыі, а таксама высокага ўзроўню супрацоўніцтва нацыянальнага бізнэсу і спорту Вальнэру ўдалося абысьці прынятыя эўрапейскімі краінамі ўязныя санкцыі ў дачыненьні да беларускага кіраўніка.
Нягледзячы на скандальнасьць сытуацыі, Лео Вальнэр працягвае «вандраваць па сьвеце» з чырвоным аўстрыйскім дыппашпартам, што само па сабе зьяўляецца недапушчальным, — пішуць аўстрыйскія СМІ.
Раней выданьне «Kurier» пісала таксама пра ўладальніка дыппашпарта Губэрта Горбаха, колішняга міністра транспарту і віцэ-канцлера Аўстрыі, а цяпер кіраўніка фірмы «Gorbach Consulting» і кансультанта «Wintertechnik Engeneering». Абедзьве кампаніі вядуць у Расеі і Беларусі шэраг праектаў, зьвязаных зь зімовымі курортамі. Абурэньне журналістаў выкліканае тым, што дыпляматычным імунітэтам карыстаецца лабіст Лукашэнкавага рэжыму. Горбах, які ў сьнежні 2010-га быў запрошаны ў якасьці ганаровай пэрсоны для назіраньня за прэзыдэнцкімі выбарамі ў Беларусі, даў ім вельмі станоўчую ацэнку, а дзеяньні спэцслужбаў супраць цывільных дэманстрантаў ахарактарызаваў так: «Ува ўсіх ёсьць права на самаабарону».
Чарговым героем газэты «Die Presse» стаў экс-прэзыдэнт аўстрыйскага нацыянальнага камітэту і ўладальнік сеткі казіно «Casinos Austria» Лео Вальнэр. Журналісты «Die Presse», зьвяртаюць увагу на наступную акалічнасьць: апошнім разам тэрмін дзеяньня дыпляматычнага пашпарта Вальнэра быў падоўжаны аўстрыйскім МЗС у ліпені 2010-га, якраз у разгар гучнага скандалу вакол «шэрай касы» аўстрыйскага Нацыянальнага алімпійскага камітэту і аплаты зь яе адпачынку беларускага прэзыдэнта ў Альпах у лютым 2002 году.
За грошы аўстрыйскіх падаткаплатнікаў Вальнэр арганізаваў беларускаму дыктатару сапраўднае сьвята.
«Мы дзейнічалі ў інтарэсах аўстрыйскай эканомікі», — так тлумачыў журналістам экс-кіраўнік аўстрыйскага НАК Лео Вальнэр сваю надзвычайную гасьціннасьць у дачыненьні да «дыктатара Лукашэнкі» і яго каманды, людзей, якія брутальна парушаюць правы чалавека і ўсякія кантакты зь якімі афіцыйна байкатуюцца ў Эўразьвязе.
З патаемнай касы на адпачынак Лукашэнкі і яго сьвіты пайшло 200 тысяч эўра.
Нягледзячы на скандальнасьць сытуацыі, Лео Вальнэр працягвае «вандраваць па сьвеце» з чырвоным аўстрыйскім дыппашпартам, што само па сабе зьяўляецца недапушчальным, — пішуць аўстрыйскія СМІ.
Раней выданьне «Kurier» пісала таксама пра ўладальніка дыппашпарта Губэрта Горбаха, колішняга міністра транспарту і віцэ-канцлера Аўстрыі, а цяпер кіраўніка фірмы «Gorbach Consulting» і кансультанта «Wintertechnik Engeneering». Абедзьве кампаніі вядуць у Расеі і Беларусі шэраг праектаў, зьвязаных зь зімовымі курортамі. Абурэньне журналістаў выкліканае тым, што дыпляматычным імунітэтам карыстаецца лабіст Лукашэнкавага рэжыму. Горбах, які ў сьнежні 2010-га быў запрошаны ў якасьці ганаровай пэрсоны для назіраньня за прэзыдэнцкімі выбарамі ў Беларусі, даў ім вельмі станоўчую ацэнку, а дзеяньні спэцслужбаў супраць цывільных дэманстрантаў ахарактарызаваў так: «Ува ўсіх ёсьць права на самаабарону».
