Жыхары дому 8, корпус 1, па вуліцы Рэпіна адзначаюць, што дагэтуль пад вокнамі кватэры Канавалавых дзяжурыць машына зь людзьмі ў цывільным. Іншым разам невядомыя дзяжураць проста ў пад’езьдзе — паміж першым і другім паверхамі.
«Калі пад домам стаіць машына, або на лесьвіцы дзяжураць незнаёмыя хлопцы — значыць, бацькі Канавалава дома. Калі ў кватэры нікога няма, то працуе сыгналізацыя — яе ўсталявалі адразу пасьля падзеяў у мэтро. Маці выгульвае сабачку пад аховай гэтых хлопцаў. А на працу яе возяць на службовай машыне, прычым ахоўнікі ставяцца да яе з павагай — адчыняюць перад ёй дзьверы, пасьміхаюцца», — распавядае сусед па пад’езьдзе.
Суседзі ня ведаюць, навошта патрэбная такая ахова: ніхто ня кажа бацькам асуджанага нічога дрэннага, не было і памкненьняў якім-небудзь чынам адпомсьціць сям’і за тое, што Дзьмітры Канавалаў прызнаў сябе вінаватым у тэракце.
Тыя, хто ня верыць у вінаватасьць Канавалава, лічаць, што яго сям’ю ахоўваюць недарэмна — хутчэй за ўсё таму, каб бацькі не кантактавалі з журналістамі і не распавядалі падрабязнасьцяў пра справу сына пабочным асобам. Бацькі Дзьмітрыя Канавалава пазьбягаюць кантактаў нават са сваякамі Ўладзіслава Кавалёва, якога асудзілі на сьмерць разам зь іхным сынам.
«Калі пад домам стаіць машына, або на лесьвіцы дзяжураць незнаёмыя хлопцы — значыць, бацькі Канавалава дома. Калі ў кватэры нікога няма, то працуе сыгналізацыя — яе ўсталявалі адразу пасьля падзеяў у мэтро. Маці выгульвае сабачку пад аховай гэтых хлопцаў. А на працу яе возяць на службовай машыне, прычым ахоўнікі ставяцца да яе з павагай — адчыняюць перад ёй дзьверы, пасьміхаюцца», — распавядае сусед па пад’езьдзе.
Суседзі ня ведаюць, навошта патрэбная такая ахова: ніхто ня кажа бацькам асуджанага нічога дрэннага, не было і памкненьняў якім-небудзь чынам адпомсьціць сям’і за тое, што Дзьмітры Канавалаў прызнаў сябе вінаватым у тэракце.
Тыя, хто ня верыць у вінаватасьць Канавалава, лічаць, што яго сям’ю ахоўваюць недарэмна — хутчэй за ўсё таму, каб бацькі не кантактавалі з журналістамі і не распавядалі падрабязнасьцяў пра справу сына пабочным асобам. Бацькі Дзьмітрыя Канавалава пазьбягаюць кантактаў нават са сваякамі Ўладзіслава Кавалёва, якога асудзілі на сьмерць разам зь іхным сынам.
