Кіраўнік руху «За свабоду» па Берасьці Дзяніс Турчаняк патлумачыў, што чыноўнік ня даў на запыт актывістаў поўнай інфармацыі пра рэканструкцыю гандлёвага цэнтру «Масква» ў Берасьці.
«Таму мы накіравалі скаргу ў суд на неправамерныя дзеяньні Вячаслава Хафізава, які не прадставіў нам інфармацыю. У яго запытваліся, ці выкананае рашэньне горадабудаўнічай рады, а нам напісалі адпіску. Горадабудаўнічая рада абавязвала фірму „Санта-Сервіс“, якая ўзялася за рэканструкцыю, узгадніць архітэктурнае рашэньне зь Міністэрствам культуры. Вось мы і пыталіся, ці выканана гэтае даручэньне», — распавёў Дзяніс Турчаняк.
Актывісты руху «За свабоду» кажуць, што падчас рэканструкцыі зьмянілася аблічча будынка гандлёвага цэнтру. Ці былі гэтыя зьмены ўзгодненыя зь міністэрствам, актывісты спрабавалі высьветліць праз запыт у гарвыканкам. Спадар Турчаняк кажа, што атрыманы фармальны адказ актывісты палічылі адмовай ад прадстаўленьня інфармацыі і таму зьвярнуліся ў суд.
Суд пачнецца аб 11-й гадзіне 24 студзеня.
«Таму мы накіравалі скаргу ў суд на неправамерныя дзеяньні Вячаслава Хафізава, які не прадставіў нам інфармацыю. У яго запытваліся, ці выкананае рашэньне горадабудаўнічай рады, а нам напісалі адпіску. Горадабудаўнічая рада абавязвала фірму „Санта-Сервіс“, якая ўзялася за рэканструкцыю, узгадніць архітэктурнае рашэньне зь Міністэрствам культуры. Вось мы і пыталіся, ці выканана гэтае даручэньне», — распавёў Дзяніс Турчаняк.
Актывісты руху «За свабоду» кажуць, што падчас рэканструкцыі зьмянілася аблічча будынка гандлёвага цэнтру. Ці былі гэтыя зьмены ўзгодненыя зь міністэрствам, актывісты спрабавалі высьветліць праз запыт у гарвыканкам. Спадар Турчаняк кажа, што атрыманы фармальны адказ актывісты палічылі адмовай ад прадстаўленьня інфармацыі і таму зьвярнуліся ў суд.
Суд пачнецца аб 11-й гадзіне 24 студзеня.