Лінкі ўнівэрсальнага доступу

Турцыя: пажыцьцёвы прысуд у справе аб забойстве журналіста


Грант Дынк падчас цырымоніі ўручэньня яму ўзнагароды 'Henri Nannen Prize', Гамбург, 12 траўня 2011 году
Суд у Стамбуле вынес вырак у справе аб забойстве турэцкага журналіста армянскага паходжаньня Гранта Дынка. Вінаватым у падбухторваньні да забойства журналіста прызналі Ясіна Хаяла — ён асуджаны на пажыцьцёвае зьняволеньне.

Грант Дынк, рэдактар дзьвюхмоўнай турэцка-армянскай газэты «Агас», быў застрэлены ў Стамбуле ў 2007 годзе. Гнеў сярод часткі турэцкага грамадзтва выклікалі выказваньні Дынка, у якіх ён апісваў масавыя забойствы армянаў на пачатку XX стагодзьдзя як генацыд.

У леташнім ліпені суд пакараў забойцу журналіста Агюна Самаста 23-ма гадамі турмы. Дзясяткі інтэлектуалаў, палітыкаў і праваабаронцаў прайшлі сёньня маршам да будынку суду, патрабуючы ад уладаў прыцягнуць да адказнасьці дзяржаўных чыноўнікаў, якія, магчыма, стаяць за забойствам журналіста.
XS
SM
MD
LG