Эмір Катару прапанаваў накіраваць у Сірыю вайсковы кантынгент Лігі арабскіх дзяржаў – для спыненьня кровапраліцьця і сутыкненьняў паміж праціўнікамі і прыхільнікамі сірыйскага прэзыдэнта Башара Асада.
Шэйх Хамад бін Халіфа аль-Тані агучыў сваю прапанову ў інтэрвію праграме "60 хвілін" на амэрыканскім тэлеканале CBS.
Эмір Катару стаў першым арабскім лідэрам, які дапусьціў магчымасьць ужыць міжнародныя войскі для спыненьня ўнутранага канфлікту ў Сірыі.
