Міліцыянты затрымалі маладых людзей каля Дому побыту, што побач са станцыяй мэтро Інстытут культуры. Актывісты сабраліся там, каб прыняць удзел у здымках дакумэнтальнага фільму пра затрыманьні грамадзян спэцслужбамі.
У выніку Павал Сяргей быў дастаўлены ў Маскоўскі райаддзел міліцыі. Дзе знаходзіцца Раман Пратасевіч і ягоныя сябра, пакуль не вядома.
Павал Сяргей днямі быў выключаны з політэхнічнага каледжу ў Маладэчне пасьля таго, як адседзеў 12 сутак за ўдзел у акцыі салідарнасьці 19 сьнежня. Таксама яго каралі арыштам за ўдзел у акцыі пратэсту 7 лістапада, калі актывісты закідалі яйкамі помнік Леніну на плошчы Незалежнасьці ў Менску.
Рамана Пратасевіча днямі выклікалі на прафіляктычную гутарку ў КДБ.
У выніку Павал Сяргей быў дастаўлены ў Маскоўскі райаддзел міліцыі. Дзе знаходзіцца Раман Пратасевіч і ягоныя сябра, пакуль не вядома.
Павал Сяргей днямі быў выключаны з політэхнічнага каледжу ў Маладэчне пасьля таго, як адседзеў 12 сутак за ўдзел у акцыі салідарнасьці 19 сьнежня. Таксама яго каралі арыштам за ўдзел у акцыі пратэсту 7 лістапада, калі актывісты закідалі яйкамі помнік Леніну на плошчы Незалежнасьці ў Менску.
Рамана Пратасевіча днямі выклікалі на прафіляктычную гутарку ў КДБ.