ДОЖДЖ СА СНЕГАМ...
...і ў суботу, і ў нядзелю. Тэмпэратура: 0 — −4.
НЕ ПРАПУСЬЦІЦЕ:
У суботу ў эфіры «Свабоды»:
на пытаньні слухачоў адказвае Марына Адамовіч, жонка зьняволенага былога кандыдата ў прэзыдэнты Мікалая Статкевіча;
Гамбурскі рахунак Бахарэвіча — эсэ гамбурскага пісьменьніка пра Кандрата Крапіву.
У нядзелю ў эфіры Свабоды:
Валянціна Аксак прадстаўляе чарговую кніжку зь дзясяткі найлепшых беларускіх кніжак мінулага году;
«Залаты запас», у якім мы вяртаемся да вартых паўтору перадачаў мінулых гадоў — у гэтым выпуску Данчык распавядае пра сваё падарожжа ў Беларусь у сьнежні 1996 году.
У ГЭТЫЯ ДНІ Ў БЕЛАРУСІ І Ў СЬВЕЦЕ:
14 — Паказ дакумэнтальных фільмаў у рамках фэстывалю відэаарту «Cinema Perpetuum Mobile» у галерэі імя Шчамялёва ў Менску. Пачатак а 16.30.
15 — Галівудзкая асацыяцыя замежнай прэсы дае прэмію Залаты Глёбус (Golden Globe Award). Прэмія прысуджаецца за найлепшы кінафільм і тэлевізійную карціну мінулага году.
15 — парлямэнцкія выбары ў Казахстане.
***
Паважаныя наведнікі сайту! Дапамажыце больш поўна прадставіць беларускі дзень — дашліце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl. org.
ТАКСАМА Ў ГЭТЫЯ ДНІ:
14 студзеня ў 1893 нарадзілася беларуская паэтка Канстанцыя Буйло.
14 студзеня ў 1926 нарадзіўся Янка Філістовіч, удзельнік антысавецкага падпольнага руху.
14 студзеня ў 1942 нарадзілася беларуская паэтка Вера Вярба.
15студзеня нарадзіўся беларускі скульптар Заір Азгур.
ЁСЬЦЬ НАГОДА:
14студзеня стары Новы год.
15студзеня дзень нараджэньня Вікіпэдыі.
ЦЫТАТА НА ПАМЯЦЬ:
«З маленства яны нас
Да сэрца гарнулі,
Пяшчотныя, добрыя
Рукі матулі,
Што з ранку працуюць
Няспынна і лоўка —
Дачушку накормяць,
Прычэшуць галоўку,
Кашулю пашыюць,
Правераць задачу
І сына суцешаць,
Калі той заплача.
Матуліны рукі
Нас цешаць, галубяць,
Так шчыра, як маці,
Ніхто нас ня любіць.
Матуліны рукі -
Адзіныя ў сьвеце,
Шануйце, любіце
Заўсёды іх дзеці.»
Вера Вярба, «Матуліны рукі»
ГОД ТАМУ Ў ЗАГАЛОЎКАХ НА САЙЦЕ «СВАБОДЫ»:
З «Пінскдрэва» звальняюць нязгодных
Яраслаў Раманчук: «Гэта беларускі «Код да Вінчы»