Урад Беларусі ўвядзе дзяржрэгуляваньне цэнаў на асноўныя прадукты харчаваньня, заявіў віцэ-прэм'ер ураду Анатоль Калінін.
"Цяпер свабодныя кошты, але мы бачым, што адбываецца: у вытворцаў тавар па адной цане, а ў гандлі — у два разы вышэй. Дык хто ж павінен зарабляць: вытворца або пасярэднікі?" – цытуе Калініна Інтэрфакс.
"На жаль, у рэспубліцы гэтыя пытаньні ня склаліся, таму даводзіцца асобныя групы харчовых і прамысловых тавараў вяртаць на рэгуляваныя цэны", – канстатаваў Калінін.
Урад плянуе рэгуляваць цэны на тавары штодзённага попыту, харчы і прамысловыя тавары, растлумачыў ён.
Напярэдадні Аляксандар Лукашэнка запатрабаваў ад ураду ў лістападзе-сьнежні спыніць рост цэнаў, які Мінэканомікі ацэньвае па выніках году на ўзроўні 120%.
"У Польшчы, Літве ды іншых краінах Эўропы са свабоднымі цэнамі ўсё складаецца, а ў Беларусі робіцца нешта непрадбачанае", – заўважае эканаміст Леанід Злотнікаў.
Ён называе прычыну такой сытуацыі:
"Калі ў краіне ёсьць канкурэнцыя, калі краіна з адкрытай эканомікай, гэта павінна працаваць. А ў нас не атрымліваецца, бо ўрад праводзіць такую палітыку".
"Тое, што цэны вырастаюць за кошт пасярэднікаў, – гэта таксама наступствы закрытай эканомікі", – дадае эканаміст.
Злотнікаў прагназуе, што вяртаньне да рэгуляваньня цэнаў прывядзе да дэфіцыту тавараў, а прадпрыемствы, якія будуць вымушаныя гандляваць па заніжаных цэнах, могуць стаць банкрутамі.
"Цяпер свабодныя кошты, але мы бачым, што адбываецца: у вытворцаў тавар па адной цане, а ў гандлі — у два разы вышэй. Дык хто ж павінен зарабляць: вытворца або пасярэднікі?" – цытуе Калініна Інтэрфакс.
"На жаль, у рэспубліцы гэтыя пытаньні ня склаліся, таму даводзіцца асобныя групы харчовых і прамысловых тавараў вяртаць на рэгуляваныя цэны", – канстатаваў Калінін.
Урад плянуе рэгуляваць цэны на тавары штодзённага попыту, харчы і прамысловыя тавары, растлумачыў ён.
Напярэдадні Аляксандар Лукашэнка запатрабаваў ад ураду ў лістападзе-сьнежні спыніць рост цэнаў, які Мінэканомікі ацэньвае па выніках году на ўзроўні 120%.
"У Польшчы, Літве ды іншых краінах Эўропы са свабоднымі цэнамі ўсё складаецца, а ў Беларусі робіцца нешта непрадбачанае", – заўважае эканаміст Леанід Злотнікаў.
Ён называе прычыну такой сытуацыі:
"Калі ў краіне ёсьць канкурэнцыя, калі краіна з адкрытай эканомікай, гэта павінна працаваць. А ў нас не атрымліваецца, бо ўрад праводзіць такую палітыку".
"Тое, што цэны вырастаюць за кошт пасярэднікаў, – гэта таксама наступствы закрытай эканомікі", – дадае эканаміст.
Злотнікаў прагназуе, што вяртаньне да рэгуляваньня цэнаў прывядзе да дэфіцыту тавараў, а прадпрыемствы, якія будуць вымушаныя гандляваць па заніжаных цэнах, могуць стаць банкрутамі.