Лінкі ўнівэрсальнага доступу

Берасьцейскі гарвыканкам перамог апазыцыянэраў у судзе


Актывісты каля Ленінскага суду Берасьця, зьлева направа: Юры Бацук, Руслан Угляніца, Уладзімер Катрыч, Алесь Чаркашын, Віктар Чайкоўскі, Стас Федзька.
Ленінскі суд Берасьця прызнаў, што гарвыканкам на законных падставах забараніў пікеты пад лёзунгам «Свабоду палітзьняволеным! Спыніць катаваньні й перасьлед!»

Віктар Чайкоўскі разам з дэмакратычнымі актывістамі, праваабаронцамі Зьмітром Шурхаем, Раманам Кісьляком і Ўладзімерам Катрычам меркаваў правесьці 5 пікетаў з 1-га да 5-га кастрычніка пад такім лёзунгам. Пікеты плянавалася праводзіць у розных ажыўленых месцах Берасьця. Аднак 28 верасьня актывісты атрымалі адмову на правядзеньне гэтых пікетаў.

Віктар Чайкоўскі, заяўнік пікету за вызваленьне палітвязьняў
пачакайце

No media source currently available

0:00 0:01:42 0:00
Наўпроставы лінк

24 лістапада судзьдзя Ленінскага суду Берасьця Ала Вінаградава пастанавіла, што пікеты гарвыканкам забараніў законна. Падставай для такога рашэньня стала тое, што актывісты не заключылі дамоваў зь міліцыяй, камунальнікамі і мэдыкамі на абслугоўваньне пікету. Акрамя таго, апазыцыянэрам патлумачылі, што пікеты плянаваліся не на стадыёне «Лякаматыў» або ў парку Воінаў-інтэрнацыяналістаў, а ў цэнтры гораду. А гэта забаронена.

Аднак кіраўнік выбарчага штабу экс-кандыдата ў прэзыдэнты Міколы Статкевіча па Берасьцейшчыне Віктар Чайкоўскі, адзін з заяўнікаў пікетаў, лічыць гэта дыскрымінацыяй:

«Уладам дазволена праводзіць розныя мерапрыемствы ў цэнтры гораду. А нас пасылаюць на стадыён або ў лес, дзе нікога няма. Гэта дыскрымінацыя, парушэньне Канстытуцыі і міжнародных пактаў. Гэта парушэньне правоў чалавека — права на свабоду мерапрыемстваў пратэсту».

Актывісты плянуюць абскарджваць рашэньне Ленінскага суду ў абласным судзе Берасьця.

Ваша меркаваньне

Паказаць камэнтары

XS
SM
MD
LG