Лінкі ўнівэрсальнага доступу

Упаўнаважаны па правах чалавека ўраду Нямеччыны патрабуе вызваленьня Бяляцкага


Упаўнаважаны па правах чалавека ўраду Нямеччыны Маркус Ленінг патрабуе вызваленьня беларускага праваабаронцы Алеся Бяляцкага.

"Я рэзка асуджаю вырак, вынесены Алесю Бяляцкаму, і патрабую яго неадкладнага вызваленьня, — адзначае Ленінг у сваёй заяве. — Няцяжка здагадацца, што такім чынам беларускія ўлады, прыбягаючы да надуманага крымінальнага абвінавачаньня, спрабуюць прымусіць маўчаць актыўнага праваабаронцу. Гэта — нізкі, нічым не апраўданы ўчынак".

Ленінг падкрэсьліў, што таксама патрабуе вызваленьня і рэабілітацыі ўсіх палітзьняволеных у Беларусі і спыненьня рэпрэсіяў у адносінах да апазыцыйных няўрадавых арганізацый і іх актывістаў.
XS
SM
MD
LG