Мядзьведзеў пра эканамічную сытуацыю ў Беларусі: "Трэба своечасова рэформы рабіць"

Прэзыдэнт Расеі Дзьмітры Мядзьведзеў зьвязвае цяперашнюю сытуацыю ў эканоміцы Беларусі з адсутнасьцю эканамічных рэформаў.

"Давайце паглядзім, што ў нашых суседзяў адбываецца, у нашых блізкіх суседзяў, сяброў — беларусаў: у іх 100% інфляцыя. Чаму? Таму што трэба своечасова рэформы рабіць. Вядома, мы ім зараз імкнемся дапамагаць, мы зь імі адзіную мытную прастору ствараем, і эканамічны саюз будзем ствараць", — заявіў Мядзьведзеў 11 лістапада на сустрэчы з калектывам Амурскага кабэльнага заводу ў Хабараўску.

Пра гэта паведамляе БелаПАН.