Белстат: інфляцыя за кастрычнік — 8,2%

У Беларусі за кастрычнік спажывецкія цэны вырасьлі на 8,2%, паведамляе Нацыянальны статыстычны камітэт. Паводле дадзеных Белстата, за 10 месяцаў інфляцыя склала 88,7%.

Індэкс цэн на харчовыя тавары ў кастрычніку ў параўнаньні зь верасьнем склаў 110,5%, з пачатку года — 203,6%. На прамысловыя тавары цэны ў кастрычніку вырасьлі ў параўнаньні зь верасьнем на 6%, у параўнаньні са сьнежнем мінулага году — на 97,5%.