Лінкі ўнівэрсальнага доступу

Берасьце: Зінаіду Міхнюк працягнуць судзіць 3 лістапада


Зінаіда Міхнюк у калідоры суду
Судовае паседжаньне ў справе старшыні берасьцейскага аргкамітэту Народнага сходу, старшыні берасьцейскай суполкі незалежнага прафсаюзу РЭП Зінаіды Міхнюк працягнецца а 15 гадзіне 3 лістапада.

Судзьдзя Маскоўскага суду Берасьця Алена Рэўцкая задаволіла хадайніцтва Міхнюк, якая прасіла дапытаць сьведак-міліцыянтаў Данілюка і Баркоўскага. Гэтыя міліцыянты затрымлівалі Зінаіду Міхнюк перад Народным сходам і, як яна кажа, складалі рапарт пра брыдкаслоўе.

Старшыня аргкамітэту Народнага сходу заявіла ў залі суду: затрыманьне зьвязанае менавіта зь яе ўдзелам у сходзе. Яна адмаўляе міліцэйскія абвінавачаньні ў брыдкаслоўі. Жанчына распавяла, што яе пратрымалі ў пастарунку каля трох гадзінаў, гутарылі зь ёй пра Народны сход. І толькі ў апошнія некалькі хвілінаў паказалі пратакол за брудную лаянку.

"Я хачу паглядзець у вочы гэтым міліцыянтам, якія будуць казаць, што я мацюкалася… Яны парушылі мае правы — не прадставіліся, ня склалі пратакол вобшуку, пратакол затрыманьня на месцы не складалі", — кажа Зінаіда Міхнюк.

Зінаіда Міхнюк
пачакайце

No media source currently available

0:00 0:00:32 0:00


Старшыню берасьцейскага аргкамітэту Народнага сходу, мясцовага лідэра незалежнага прафсаюзу РЭП Зінаіду Міхнюк міліцыянты затрымалі перад пачаткам Народнага сходу 8 кастрычніка. Яе схапілі на ўваходзе ў парк Воінаў-інтэрнацыяналістаў і даставілі ў Маскоўскі РАУС. Пратрымаўшы яе там тры гадзіны, міліцыянты склалі пратакол, нібыта за брыдкаслоўе, і адпусьцілі Міхнюк.

Зінаіда Міхнюк прыйшла зь вялікай групай падтрымкі
Зінаіда Міхнюк прыйшла зь вялікай групай падтрымкі

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG