Індыя атрымае першае права на закупку пакету акцыяў беларускага дзяржаўнага канцэрну «Беларуськалій», аднаго з найбуйнейшых у сьвеце вытворцаў і пастаўнікоў калійных соляў.
У мэтах забесьпячэньня бесьперабойных паставак калійных соляў індыйскі ўрад нядаўна накіраваў групу спэцыялістаў для перамоваў зь беларускім урадам наконт закупкі пакету акцыяў «Беларуськалію».
Індыя, гадавыя патрэбы якой складаюць 6 мільёнаў тонаў калійнай солі, цалкам залежыць ад імпарту. Улады Індыі зьбіраюцца закупіць частку акцыяў «Беларуськалію», калі ўрад Беларусі вырашыць распачаць продаж.
«Беларусь дала Індыі «права першай рукі» ў закупцы акцыяў», – заявіў прадстаўнік міністэрства ўгнаеньняў Індыі ў інтэрвію агенцтву Press Trust of India.
Агенцтва цытуе неназваныя крыніцы, паводле якіх урад можа купіць акцыі сам або ў кансорцыюме з прыватнымі вытворцамі ўгнаеньняў.
Паводле тых самых крыніцаў, нават калі беларускі ўрад вырашыць прадаць пакет акцыяў, хутчэй за ўсё ён складзе ня больш за 20% ад агульнага капіталу «Беларуськалію».
Апрача набыцьця пакету акцыяў індыйскія кампаніі вядуць зь «Беларуськаліем» перамовы аб доўгатэрміновым кантракце на імпарт калійных соляў.
У мэтах забесьпячэньня бесьперабойных паставак калійных соляў індыйскі ўрад нядаўна накіраваў групу спэцыялістаў для перамоваў зь беларускім урадам наконт закупкі пакету акцыяў «Беларуськалію».
Індыя, гадавыя патрэбы якой складаюць 6 мільёнаў тонаў калійнай солі, цалкам залежыць ад імпарту. Улады Індыі зьбіраюцца закупіць частку акцыяў «Беларуськалію», калі ўрад Беларусі вырашыць распачаць продаж.
«Беларусь дала Індыі «права першай рукі» ў закупцы акцыяў», – заявіў прадстаўнік міністэрства ўгнаеньняў Індыі ў інтэрвію агенцтву Press Trust of India.
Агенцтва цытуе неназваныя крыніцы, паводле якіх урад можа купіць акцыі сам або ў кансорцыюме з прыватнымі вытворцамі ўгнаеньняў.
Паводле тых самых крыніцаў, нават калі беларускі ўрад вырашыць прадаць пакет акцыяў, хутчэй за ўсё ён складзе ня больш за 20% ад агульнага капіталу «Беларуськалію».
Апрача набыцьця пакету акцыяў індыйскія кампаніі вядуць зь «Беларуськаліем» перамовы аб доўгатэрміновым кантракце на імпарт калійных соляў.
