У Бабруйску грамадзкіх актывістаў міліцыя папярэджвае, што недапушчальна ўдзельнічаць у масавых несанкцыянаваных мерапрыемствах, а таксама парушаць заканадаўства аб друку і іншых сродках масавай інфармацыі.
Актывістаў палохаюць штрафамі і адміністрацыйнымі арыштамі.
Дэмакратычным актывістам тэлефануюць, запрашаючы на гутарку, а потым даюць падпісаць дакумэнт пад назвай “Пратакол перасьцярогі ад парушэньня парадку правядзеньня і ўдзелу ў масавым мерапрыемстве”.
“Патэлефанаваў на мабільны тэлефон участковы, сказаў, што неабходна падпісаць дакумэнт, што я ня буду хадзіць на плошчу, на розныя акцыі і на несанкцыянаваныя мерапрыемствы. Ён патлумачыў, што аднекуль прыйшла папера, ці то з камітэту, ці зь Менску, што я ў складзе “Маладога фронту”. Я яму адказаў, што мяне ў гэтай арганізацыі даўно няма, але ён настойліва прасіў прыйсьці і пагутарыць і падпісаць паперу. Я прыйшоў і падпісаў”, — паведаміў Максім Чарняк, які наведаў міліцыю.
У міліцыю выклікалі й журналістку Алесю Скапінцаву. Сустракацца з участковым дзяўчына адмовілася, спаслаўшыся на неабходнасьць параіцца зь юрыстам. Міліцыянт паабяцаў ператэлефанаваць, але больш не тэлефанаваў, кажа Алеся Скапінцава.
“Ён адрэкамэндаваўся Леанідам Максімавым. Сказаў, што я мушу нешта падпісаць. Я адмовілася. Мяне гэта абурыла, што ў нашай краіне вось так ставяцца да людзей, якія інакш думаюць, і параўноўваюць іх са злачынцамі. Відавочна, што вальнадумства ў нас стала галоўным злачынствам”, — заявіла Скапінцава.
“Пратакол перасьцярогі” выпісаны, паводле праваабаронцаў, начальнікам упраўленьня ўнутраных справаў Бабруйскага гарвыканкаму Аляксандрам Васільевым.
27 верасьня ў офісе бабруйскай арганізацыі Аб’яднанай грамадзянскай партыі міліцыя канфіскавала агітацыйныя матэрыялы да Народнага сходу, які павінен адбыцца ў Бабруйску 8 кастрычніка.
Выклікі ў міліцыю і канфіскацыю агітацыйных матэрыялаў у Бабруйску актывісты разглядаюць як спробу сарваць правядзеньне мясцовага Народнага сходу.
Актывістаў палохаюць штрафамі і адміністрацыйнымі арыштамі.
Дэмакратычным актывістам тэлефануюць, запрашаючы на гутарку, а потым даюць падпісаць дакумэнт пад назвай “Пратакол перасьцярогі ад парушэньня парадку правядзеньня і ўдзелу ў масавым мерапрыемстве”.
“Патэлефанаваў на мабільны тэлефон участковы, сказаў, што неабходна падпісаць дакумэнт, што я ня буду хадзіць на плошчу, на розныя акцыі і на несанкцыянаваныя мерапрыемствы. Ён патлумачыў, што аднекуль прыйшла папера, ці то з камітэту, ці зь Менску, што я ў складзе “Маладога фронту”. Я яму адказаў, што мяне ў гэтай арганізацыі даўно няма, але ён настойліва прасіў прыйсьці і пагутарыць і падпісаць паперу. Я прыйшоў і падпісаў”, — паведаміў Максім Чарняк, які наведаў міліцыю.
У міліцыю выклікалі й журналістку Алесю Скапінцаву. Сустракацца з участковым дзяўчына адмовілася, спаслаўшыся на неабходнасьць параіцца зь юрыстам. Міліцыянт паабяцаў ператэлефанаваць, але больш не тэлефанаваў, кажа Алеся Скапінцава.
“Ён адрэкамэндаваўся Леанідам Максімавым. Сказаў, што я мушу нешта падпісаць. Я адмовілася. Мяне гэта абурыла, што ў нашай краіне вось так ставяцца да людзей, якія інакш думаюць, і параўноўваюць іх са злачынцамі. Відавочна, што вальнадумства ў нас стала галоўным злачынствам”, — заявіла Скапінцава.
“Пратакол перасьцярогі” выпісаны, паводле праваабаронцаў, начальнікам упраўленьня ўнутраных справаў Бабруйскага гарвыканкаму Аляксандрам Васільевым.
27 верасьня ў офісе бабруйскай арганізацыі Аб’яднанай грамадзянскай партыі міліцыя канфіскавала агітацыйныя матэрыялы да Народнага сходу, які павінен адбыцца ў Бабруйску 8 кастрычніка.
Выклікі ў міліцыю і канфіскацыю агітацыйных матэрыялаў у Бабруйску актывісты разглядаюць як спробу сарваць правядзеньне мясцовага Народнага сходу.
