Нацстат: "з пачатку верасьня цэны вырасьлі на 10 працэнтаў"

Індэкс спажывецкіх цэн на тавары і платныя паслугі насельніцтву з 13 па 20 верасьня 2011 году, паводле ацэнкі Нацыянальнага статыстычнага камітэту, вырас на 3,9%, з пачатку месяца адносна сярэдніх цэнаў жніўня 2011 году — на 10,5%, паведамляе прэс-служба ведамства.

Найбольшы прырост цэн з пачатку месяца адзначаны на

• гарэлку (31%),
• сьвініну, яйкі курыныя (25%),
• паўфабрыкаты мясныя зь ялавічыны (24%),
• цукар (20%),
• мяса птушкі (18%),
• селядзец салёны (15% ),
• каўбасу вараную (13%),
• алей расьлінны і жывёльны, піва (10%),
• рыбу жывую, ялавічыну першай катэгорыі, малако і малочныя прадукты, хлеб і хлебабулачныя вырабы, безалькагольныя напоі (6-9%),
• кандытарскія вырабы, гарбату, маянэз (4,6-5,5%),
• тытунёвыя вырабы (35%),
• мэдыкамэнты (17%),
• шпалеры (15%),
• электратавары (11%),
• абутак (10%),
• мэблю, адзеньне, парфумна-касмэтычныя тавары, сынтэтычныя мыйныя сродкі (5,9-8,1%),

паслугі

• вышэйшай адукацыі (15%),
• побытавыя (6,4%),
• гарадзкога транспарту (6,3%),
• мэдыцынскія (3,9%).

Інфармацыя падрыхтавана на аснове штотыднёвай рэгістрацыі спажывецкіх цэнаў на 155 відаў тавараў і паслуг у 31 горадзе краіны.

З студзеня па жнівень рост спажывецкіх цэнаў склаў 53,6%, з улікам верасьня — 69,7%.