19 верасьня судзьдзя Цэнтральнага раёну Гомеля Марына Дамненка асудзіла праваабаронцу Анатоля Паплаўнага на 15 сутак адміністрацыйнага арышту за лаянку. Такім чынам пацьверджана аналягічнае пакараньне, вынесенае спадару Паплаўнаму 4 ліпеня судзьдзёй Цалковай, але адмененае абласным судом. Паўмесяца ён адседзеў за кратамі.
Паплаўны: "Я вялікіх ілюзіяў ня меў, што суд сёньня вырашыць на маю карысьць. У Беларусі працуе сыстэма — прыкладаў ужо шмат, калі нямыя лаюцца, а аднарукія — пляскаюць у далоні. Абвінаваціць мяне ў лаянцы прасьцей, чымсьці прызнаць хлусьню супрацоўнікаў міліцыі".
Анатоль Паплаўны хадайнічаў пра адвод судзьдзі Дамненкі на той падставе, што яна вынесла грамадзкім актывістам Гомеля багата палітычна матываваных выракаў, за што трапіла ў "чорны сьпіс". Аднак хадайніцтва было адхілена. І камандзір узводу палку патрульна-паставой службы міліцыі, маёр Юры Грыцкоў зноў цьвердзіў у судзе, што Паплаўны пасьля маўклівай акцыі пратэсту 3 ліпеня брыдка лаяўся, хоць насамрэч ён фатаграфаваў, як міліцыя беспадстаўна затрымлівала ўдзельнікаў "Рэвалюцыі праз сацыяльныя сеткі". За гэта Анатоля затрымалі, адправілі ў ізалятар, а назаўтра на падставе "паўпустога" міліцэйскага пратаколу судзьдзя Алена Цалкова пакарала яго 15-суткавым арыштам.
Былы супрацоўнік міліцыі, сябра АГП Уладзімер Няпомняшчых, які прысутнічаў на судзе, пагадзіўся з выступам Анатоля падчас судовага разбору:
"Я падзяляю ягоную думку пра тое, што і міліцыянты, і судзьдзі, працуючы ў сыстэме, ілгуць, прымаюць незаконныя рашэньні, каб дагадзіць вышэйшым кіраўнікам. Але ж прыйдзе час, і за гэта давядзецца адказваць".
Грамадзкі актывіст, юрыст Леанід Судаленка зазначае, што, магчыма, і судзьдзі, і маёру міліцыі як сьведку было няёмка за свае дзеяньні, але яны гэта робяць, "бо адчуваюць сябе беспакаранымі".
Дарэчы, Анатоль Паплаўны зьвяртаўся ў Генэральную пракуратуру з патрабаваньнем распачаць супраць судзьдзі Цалковай праверку, бо 4 ліпеня яна вынесла заведама неправасудную пастанову на адміністрацыйны арышт, што цалкам падпадае пад прыкметы часткі 1 артыкула 392 Крымінальнага кодэксу. Скарга праваабаронцы вярнулася ў Гомель, у раённую пракуратуру, якая ніяк не адрэагавала на дзеяньні судзьдзі.
Паплаўны: "Я вялікіх ілюзіяў ня меў, што суд сёньня вырашыць на маю карысьць. У Беларусі працуе сыстэма — прыкладаў ужо шмат, калі нямыя лаюцца, а аднарукія — пляскаюць у далоні. Абвінаваціць мяне ў лаянцы прасьцей, чымсьці прызнаць хлусьню супрацоўнікаў міліцыі".
Анатоль Паплаўны хадайнічаў пра адвод судзьдзі Дамненкі на той падставе, што яна вынесла грамадзкім актывістам Гомеля багата палітычна матываваных выракаў, за што трапіла ў "чорны сьпіс". Аднак хадайніцтва было адхілена. І камандзір узводу палку патрульна-паставой службы міліцыі, маёр Юры Грыцкоў зноў цьвердзіў у судзе, што Паплаўны пасьля маўклівай акцыі пратэсту 3 ліпеня брыдка лаяўся, хоць насамрэч ён фатаграфаваў, як міліцыя беспадстаўна затрымлівала ўдзельнікаў "Рэвалюцыі праз сацыяльныя сеткі". За гэта Анатоля затрымалі, адправілі ў ізалятар, а назаўтра на падставе "паўпустога" міліцэйскага пратаколу судзьдзя Алена Цалкова пакарала яго 15-суткавым арыштам.
Былы супрацоўнік міліцыі, сябра АГП Уладзімер Няпомняшчых, які прысутнічаў на судзе, пагадзіўся з выступам Анатоля падчас судовага разбору:
"Я падзяляю ягоную думку пра тое, што і міліцыянты, і судзьдзі, працуючы ў сыстэме, ілгуць, прымаюць незаконныя рашэньні, каб дагадзіць вышэйшым кіраўнікам. Але ж прыйдзе час, і за гэта давядзецца адказваць".
Грамадзкі актывіст, юрыст Леанід Судаленка зазначае, што, магчыма, і судзьдзі, і маёру міліцыі як сьведку было няёмка за свае дзеяньні, але яны гэта робяць, "бо адчуваюць сябе беспакаранымі".
Дарэчы, Анатоль Паплаўны зьвяртаўся ў Генэральную пракуратуру з патрабаваньнем распачаць супраць судзьдзі Цалковай праверку, бо 4 ліпеня яна вынесла заведама неправасудную пастанову на адміністрацыйны арышт, што цалкам падпадае пад прыкметы часткі 1 артыкула 392 Крымінальнага кодэксу. Скарга праваабаронцы вярнулася ў Гомель, у раённую пракуратуру, якая ніяк не адрэагавала на дзеяньні судзьдзі.
