Лінкі ўнівэрсальнага доступу

Лукашэнка прасіў Януковіча накіраваць разумнага пасла


Беларусь чакае ад новага пасла Ўкраіны Віктара Ціханава "пасьлядоўнай і сыстэмнай працы па выбудоўваньні сапраўды партнэрскіх адносінаў" ва ўсіх сфэрах беларуска-ўкраінскага супрацоўніцтва. Пра гэта заявіў АляксандарЛукашэнка, прымаючы 20 даверчыя граматы ў новага пасла Украіны.

"З Украінай, нашым блізкім суседам і братнім народам, нас аб'ядноўвае ня толькі агульная шматвяковая гісторыя, але і шчыра дружалюбныя, добрасуседзкія адносіны", — цытуе Лукашэнку дзяржаўнае агенцтва БелТА. На яго думку, падобныя геапалітычныя ўмовы, у якіх знаходзяцца Беларусь і Ўкраіна, а таксама агульныя выклікі і пагрозы, што стаяць перад краінамі, ствараюць аб'ектыўныя перадумовы для больш цеснага і давернага двухбаковага ўзаемадзеяньня.

"Не ўтойваю, што я прасіў Віктара Януковіча накіраваць нам разумнага, вопытнага, дасьведчанага чалавека, каб узьняць наша супрацоўніцтва на больш высокі ўзровень і сьцерці нейкія шурпатасьці ў нашых адносінах", — паведаміў Лукашэнка. Ён перакананы ў тым, што найбліжэйшым часам Беларусь наладзіць дыялёг з Украінай "на самым высокім узроўні".

Як паведамлялася раней, былы віцэ-прэм'ер украінскага ўраду Віктар Ціханаў быў прызначаны паслом Украіны ў Беларусі згодна з указам прэзыдэнта Віктара Януковіча ад 22 жніўня. З 2006 года 62-гадовы Ціханаў зьяўляецца сябрам Партыі рэгіёнаў, якую ўзначальвае Януковіч.

Раман Бясьсьмертны

На пасадзе пасла ў Беларусі Ціханаў зьмяніў 45-гадовага Рамана Бясьсьмертнага, які ўзначаліў дыпмісію ў Менску на падставе ўказа Віктара Юшчанкі 24 лютага 2010 года, за суткі да інаўгурацыі Януковіча. 3 чэрвеня гэтага года Бясьсмертны, які ня раз рэзка выказваўся адносна палітыкі афіцыйнага Менска, быў вызвалены ад пасады дзейным кіраўніком украінскай дзяржавы.

Глядзець камэнтары (2)

Гэтая дыскусія закрытая.
XS
SM
MD
LG