Сёньня на выхадзе з мэтро "Плошча Якуба Коласа" дэмакратычныя актывісты раздавалі газэту "Народная воля". У ёй надрукаванае інтэрвію са сустаршынём аргкамітэту Народнага сходу Генадзем Фядынічам. Тысяча асобнікаў разышлася літаральна за 15 хвілін.
Людзі ахвотна бралі газэту з рук актывістаў, сярод якіх былі і абодва сустаршыні аргкамітэту Народнага сходу — Віктар Івашкевіч і Генадзь Фядыніч. А ад тых, хто адмаўляўся, даволі часта можна было пачуць: "Я яшчэ ўчора купіў "Волю".
Разам зь іншымі раздаваў інфармацыю пра Народны сход і сябра аргкамітэту ў справе стварэньня партыі "Беларускі рух" Вацлаў Арэшка:
"Я ў прынцыпе чакаў, што людзі будуць браць. Але бяруць нават больш ахвотна, чым я думаў. Ёсьць яшчэ ў некаторых страх браць нават газэту. Аднак зацікаўленасьць ёсьць. І я думаю, недарма пачытаюць яе".
Раздаючы газэту, актывісты пытаюцца ў людзей, як ім жывецца ці хапае грошай?
Мінакі адказваюць.
Мужчына сярэдняга ўзросту:
"Скуль там?! Даводзіцца падпрацоўваць у іншым месцы".
Юнак:
"Выжываем. Але зараз хоць нешта зрабілі. Я маю на ўвазе бясплатны праезд стаў для студэнтаў у грамадзкім транспарце".
Сівая жанчына на пытаньне, як жывецца сталым людзям, не пасьпела адказаць адразу. Яе апярэдзіў нейкі мінак, які сказаў: дрэнна жывецца. Жанчына толькі дадала:
"Во, ужо адказаў".
Віктар Івашкевіч кажа, што сёньняшняя акцыя далёка не апошняя. А на пытаньне, у якой ступені грамадзтва ўжо інфармаванае пра правядзеньне Народнага сходу, адказвае так:
"Яшчэ слаба. На сёньняшні дзень інфармацыйнай прадукцыі хапае. Аргкамітэт вырашыў гэта пытаньне. Яна ёсьць у неабходнай колькасьці. І цяпер патрэбна яе раздаць. Таму зараз галоўнае – гэта рукі валянтэраў, якія раздадуць яе тым, хто павінны прыйсьці на Народны сход".
Дарэчы, у сёньняшняй акцыі ўдзельнічалі актывісты Рэспубліканскага прафсаюзу радыёэлектроннай прамысловасьці, аргкамітэтаў па стварэньню партыяў "Беларускі рух" і Хрысьціянскай дэмакратыі, руху "Эўрапейская Беларусь" і прадстаўнікі незарэгістраванай Нацыянал-бальшавіцкай партыі.
Віктар Івашкевіч ня верыць, што ўлады да 8 кастрычніка, а менавіта на гэты дзень прызначаны Народны сход, змогуць эканамічнымі сродкамі ўзьняць настрой насельніцтва:
"Тое, што людзі нарэшце здаюць у абменьнікі валюту, гэта прыкмета трэцяга роўню беднасьці. Спачатку – грошай няма, пасьля – зусім няма і потым – прыйдзецца здаваць даляры. І зараз людзі здаюць свае "заначкі", бо ім не хапае заробка для пражываньня. І ў эканамічным пляне, і ў сацыяльным пляне сытуацыя толькі абвастраецца".
Людзі ахвотна бралі газэту з рук актывістаў, сярод якіх былі і абодва сустаршыні аргкамітэту Народнага сходу — Віктар Івашкевіч і Генадзь Фядыніч. А ад тых, хто адмаўляўся, даволі часта можна было пачуць: "Я яшчэ ўчора купіў "Волю".
Разам зь іншымі раздаваў інфармацыю пра Народны сход і сябра аргкамітэту ў справе стварэньня партыі "Беларускі рух" Вацлаў Арэшка:
"Я ў прынцыпе чакаў, што людзі будуць браць. Але бяруць нават больш ахвотна, чым я думаў. Ёсьць яшчэ ў некаторых страх браць нават газэту. Аднак зацікаўленасьць ёсьць. І я думаю, недарма пачытаюць яе".
Раздаючы газэту, актывісты пытаюцца ў людзей, як ім жывецца ці хапае грошай?
Мінакі адказваюць.
Мужчына сярэдняга ўзросту:
"Скуль там?! Даводзіцца падпрацоўваць у іншым месцы".
Юнак:
"Выжываем. Але зараз хоць нешта зрабілі. Я маю на ўвазе бясплатны праезд стаў для студэнтаў у грамадзкім транспарце".
Сівая жанчына на пытаньне, як жывецца сталым людзям, не пасьпела адказаць адразу. Яе апярэдзіў нейкі мінак, які сказаў: дрэнна жывецца. Жанчына толькі дадала:
"Во, ужо адказаў".
Віктар Івашкевіч кажа, што сёньняшняя акцыя далёка не апошняя. А на пытаньне, у якой ступені грамадзтва ўжо інфармаванае пра правядзеньне Народнага сходу, адказвае так:
"Яшчэ слаба. На сёньняшні дзень інфармацыйнай прадукцыі хапае. Аргкамітэт вырашыў гэта пытаньне. Яна ёсьць у неабходнай колькасьці. І цяпер патрэбна яе раздаць. Таму зараз галоўнае – гэта рукі валянтэраў, якія раздадуць яе тым, хто павінны прыйсьці на Народны сход".
Дарэчы, у сёньняшняй акцыі ўдзельнічалі актывісты Рэспубліканскага прафсаюзу радыёэлектроннай прамысловасьці, аргкамітэтаў па стварэньню партыяў "Беларускі рух" і Хрысьціянскай дэмакратыі, руху "Эўрапейская Беларусь" і прадстаўнікі незарэгістраванай Нацыянал-бальшавіцкай партыі.
Віктар Івашкевіч ня верыць, што ўлады да 8 кастрычніка, а менавіта на гэты дзень прызначаны Народны сход, змогуць эканамічнымі сродкамі ўзьняць настрой насельніцтва:
"Тое, што людзі нарэшце здаюць у абменьнікі валюту, гэта прыкмета трэцяга роўню беднасьці. Спачатку – грошай няма, пасьля – зусім няма і потым – прыйдзецца здаваць даляры. І зараз людзі здаюць свае "заначкі", бо ім не хапае заробка для пражываньня. І ў эканамічным пляне, і ў сацыяльным пляне сытуацыя толькі абвастраецца".