На Гомельскім хімзаводзе плянуюць увесьці салідарную адказнасьць за выпівакаў, якіх узяў на парукі калектыў. Зрабіць так прапанаваў былы намесьнік кіраўніка адміністрацыі Савецкага раёну Гомеля, старшыня заводзкай камісіі барацьбы з п’янствам і алькагалізмам Мікалай Малы — ён пасьля кадравага абнаўленьня адміністрацыі ўладкаваўся на працу на хімзавод.
Спадар Малы хоча падзяліць адказнасьць між штрафніком і калегамі, якія паручыліся за яго. Пра гэта ён апавёў мясцовай прэсе. Калі, напрыклад, выпівака паўторна зьявіцца на працу нападпітку, то паручальнікаў пазбавяць прэміі. А калі год міне спакойна, то яны, наадварот, атрымаюць надбаўку да заробку.
Такія меры адміністрацыйнага ўзьдзеяньня зьвязаныя з пашырэньнем ужываньня алькаголю сярод працаўнікоў хімзаводу. Ад пачатку году на прахадной затрымалі 34 рабочых, якія ішлі на працу з «алькагольным душком». Яшчэ двух працаўнікоў, якія былі нападпітку, адхіліў ад працы майстар на падставе правілаў бясьпекі.
Спадар Малы хоча падзяліць адказнасьць між штрафніком і калегамі, якія паручыліся за яго. Пра гэта ён апавёў мясцовай прэсе. Калі, напрыклад, выпівака паўторна зьявіцца на працу нападпітку, то паручальнікаў пазбавяць прэміі. А калі год міне спакойна, то яны, наадварот, атрымаюць надбаўку да заробку.
Такія меры адміністрацыйнага ўзьдзеяньня зьвязаныя з пашырэньнем ужываньня алькаголю сярод працаўнікоў хімзаводу. Ад пачатку году на прахадной затрымалі 34 рабочых, якія ішлі на працу з «алькагольным душком». Яшчэ двух працаўнікоў, якія былі нападпітку, адхіліў ад працы майстар на падставе правілаў бясьпекі.
